പത്തനംതിട്ട: ശബരിമലയിൽ പൈങ്കുനി ഉത്രം ഉത്സവത്തിന് തിങ്കളാഴ്ച കൊടിയേറി. തന്ത്രി കണ്ഠര് മഹേഷ് മോഹനരുടെ കാർമികത്വത്തിലാണ് ചടങ്ങുകൾ നടന്നത്. 31 വരെ നെയ്യഭിഷേകം നടക്കും. ഉച്ചപൂജയ്ക്ക് ശേഷം ഉത്സവബലിയും അത്താഴപൂജയ്ക്ക് ശേഷം ശ്രീഭൂതബലിയുമാണ് പ്രധാന ചടങ്ങുകൾ. ആറാട്ട് ദിവസമായ 31ന് നെയ്യഭിഷേകം ഉണ്ടായിരിക്കില്ല.
അതേസമയം ഏപ്രിൽ 1ന് രാവിലെ 9ന് സന്നിധാനത്തിൽ നിന്ന് ആറാട്ട് ഘോഷയാത്ര പുറപ്പെടും. തുടർന്ന് പമ്പയിൽ ആറാട്ട് നടക്കും. ആറാട്ടിന് ശേഷം പമ്പാ ഗണപതി ക്ഷേത്രംയിൽ പറ നിറയ്ക്കും. ഘോഷയാത്ര തിരികെ സന്നിധാനത്ത് എത്തി കൊടിയിറക്കുന്നതോടെ ഉത്സവം സമാപിക്കും. രാത്രി 10ന് നട അടയ്ക്കും. മേട വിഷു ആഘോഷങ്ങൾക്ക് ഏപ്രിൽ 10ന് വീണ്ടും നട തുറക്കുന്നതാണ്.