ചെന്നൈ: മലയാളി ക്രിക്കറ്റ് താരം സഞ്ജു സാംസൺ നെ വാനോളം പുകഴ്ത്തി തമിഴ് നടൻ ശിവകാർത്തികേയൻ. ചെന്നൈയിൽ നടന്ന ആരാധക സംഗമത്തിൽ സംസാരിക്കവെയാണ് അദ്ദേഹം സഞ്ജുവിനെ “തമിഴ്നാട്ടിന്റെ ബ്ലോക്ക്ബസ്റ്റർ താരം” എന്ന് വിശേഷിപ്പിച്ചത്.
കേരളവും തമിഴ്നാടും തമ്മിലുള്ള സാംസ്കാരിക ബന്ധം ചൂണ്ടിക്കാട്ടിയ ശിവകാർത്തികേയൻ, മലയാള സിനിമകളും കലാകാരന്മാരും തമിഴ്നാട്ടിൽ വലിയ സ്വീകാര്യത നേടിയതുപോലെ, ഇപ്പോൾ ഒരു മലയാളി ക്രിക്കറ്ററായ സഞ്ജുവും ഇവിടെ വലിയ ആരാധക പിന്തുണ നേടിയിട്ടുണ്ടെന്ന് പറഞ്ഞു. അദ്ദേഹത്തിന്റെ പരാമർശത്തിന് ആരാധകർ കൈയടിയോടെ പ്രതികരിച്ചു.
അതേസമയം, എം എസ് ധോണിയെ കുറിച്ചും ശിവകാർത്തികേയൻ പ്രശംസ പ്രകടിപ്പിച്ചു. ക്രിക്കറ്ററെന്നതിലുപരി ധോണിയുടെ നേതൃപാടവവും വ്യക്തിത്വവും തന്നെ ഏറെ പ്രചോദിപ്പിക്കുന്നുവെന്ന് അദ്ദേഹം പറഞ്ഞു. ചെപ്പോക്കിൽ ധോണി കളത്തിലിറങ്ങുമ്പോൾ ഉയരുന്ന ആരാധകരുടെ ആവേശം ദൂരെയിരുന്നും അനുഭവിക്കാമെന്നും അദ്ദേഹം കൂട്ടിച്ചേർത്തു.
ധോണി തുടർന്നും ടീമിനൊപ്പം കളിക്കണമെന്ന ആഗ്രഹവും ശിവകാർത്തികേയൻ പങ്കുവെച്ചു.
Tamil actor Sivakarthikeyan praised cricketer Sanju Samson, calling him a “blockbuster star of Tamil Nadu” during a fan event in Chennai. He highlighted the cultural bond between Kerala and Tamil Nadu. He also lauded MS Dhoni’s leadership and influence, expressing admiration and wishing him to continue playing.