കണ്ണൂർ: മുതിർന്ന സിപിഎം നേതാവ് എം വി ജയരാജന് വാഹനാപകടത്തിൽ പരിക്കേറ്റതായി റിപ്പോർട്ട്. ഏഴിലോട് വെച്ചാണ് അദ്ദേഹം സഞ്ചരിച്ച വാഹനം അപകടത്തിൽപ്പെട്ടത് എന്നാണ് ലഭിക്കുന്ന വിവരം.
ജയരാജൻ സഞ്ചരിച്ച കാറിന് പിന്നിൽ മറ്റൊരു കാർ ഇടിക്കുകയായിരുന്നു. പരിക്കേറ്റ അദ്ദേഹത്തെ ആദ്യം പയ്യന്നൂരിൽ പ്രാഥമിക ചികിത്സയ്ക്ക് വിധേയനാക്കി, തുടർന്ന് പരിയാരം മെഡിക്കൽ കോളജ് ആശുപത്രിയിലേക്ക് മാറ്റി.
കാസർകോട്ടേക്ക് പോകുന്നതിനിടെയാണ് അപകടമുണ്ടായത് എന്നാണ് പുറത്തു വരുന്ന റിപ്പോർട്ട്. അതേസമയം ജയരാജന് ഉണ്ടായ പരിക്ക് ഗുരുതരമല്ലെന്നാണ് ലഭിക്കുന്ന വിവരം.