കോഴിക്കോട്: ഇന്ത്യയിലെ പ്രമുഖ ഐസ്ക്രീം സൺഡേ ശൃംഖലയായ Polar Bear Ice Cream Sundaes കേരളത്തിൽ ആദ്യമായി സാന്നിധ്യം ഉറപ്പിച്ചു. കോഴിക്കോട് ബീച്ച് റോഡിലാണ് ബ്രാൻഡിന്റെ ആദ്യ ഔട്ട്ലെറ്റ് ആരംഭിച്ചത്.
സൺഡേകൾക്ക് പ്രത്യേക പ്രാധാന്യം നൽകുന്ന ബ്രാൻഡ്, കൈകൊണ്ട് തയ്യാറാക്കുന്ന ഐസ്ക്രീമുകൾ, വാഫിളുകൾ, തിക്ക് ഷേക്കുകൾ എന്നിവയിലൂടെ വേറിട്ട മധുരാനുഭവമാണ് ഉപഭോക്താക്കൾക്ക് നൽകുന്നത്. രണ്ട് നിലകളിലായി സജ്ജീകരിച്ചിരിക്കുന്ന പുതിയ സ്റ്റോർ, കടപ്പുറത്തിന്റെ സൗന്ദര്യം ആസ്വദിക്കാവുന്ന രീതിയിലാണ് ഒരുക്കിയിരിക്കുന്നത്.
കർണാടക, തമിഴ്നാട്, ആന്ധ്രാപ്രദേശ്, തെലങ്കാന, മഹാരാഷ്ട്ര എന്നിവിടങ്ങളിലായി ഇതിനകം ശക്തമായ സാന്നിധ്യമുള്ള പോളാർ ബിയറിന്, പുതിയ ഔട്ട്ലെറ്റോടെ ആറ് സംസ്ഥാനങ്ങളിലായി 30-ലധികം നഗരങ്ങളിൽ 185-ത്തിലധികം കേന്ദ്രങ്ങളായി വ്യാപനം ലഭിച്ചു.
ഡെത്ത് ബൈ ചോക്ലേറ്റ് (DBC), ചോക്കോസില്ല, ഫ്രൂട്ട് സെസ്റ്റ്, ട്രെസ് ലെച്ചസ് തുടങ്ങിയ ജനപ്രിയ സൺഡേകളും ഇവിടെ ലഭ്യമാണ്. കുടുംബ സംഗമങ്ങൾക്കും സുഹൃത്തുക്കളുടെ കൂട്ടായ്മകൾക്കും അനുയോജ്യമായ അന്തരീക്ഷമാണ് സ്റ്റോറിൽ ഒരുക്കിയിരിക്കുന്നത്.
സ്ഥാപകനും ഡയറക്ടറുമായ കിഷോർ കുമാർ റായ് വ്യക്തമാക്കി: കേരളത്തിൽ വലിയ വിപണി സാധ്യതകളാണ് കാണുന്നത്. അടുത്ത മൂന്ന് വർഷത്തിനുള്ളിൽ സംസ്ഥാനത്ത് 25 സ്റ്റോറുകൾ ആരംഭിക്കാനാണ് പദ്ധതിയെന്നും അദ്ദേഹം പറഞ്ഞു.
സെയിൽസ് ആൻഡ് ഓപ്പറേഷൻസ് സീനിയർ വൈസ് പ്രസിഡന്റായ പ്രശാന്ത് പ്രകാശ് പറഞ്ഞു: ഗുണനിലവാരവും പുതുമയും മികച്ച സേവനവുമാണ് ബ്രാൻഡിന്റെ പ്രധാന ശക്തി. ഉപഭോക്താക്കളുടെ ഇഷ്ടാനുസരണം പുതിയ രുചികളും കോമ്പിനേഷനുകളും തുടർച്ചയായി അവതരിപ്പിക്കുമെന്നും അദ്ദേഹം കൂട്ടിച്ചേർത്തു.
Polar Bear Ice Cream Sundaes has entered the Kerala market by opening its first outlet at Kozhikode Beach Road. Known for its handcrafted sundaes, waffles, and thick shakes, the brand now operates in over 185 locations across six states. The company plans to expand further in Kerala with 25 outlets over the next three years.