കൊച്ചി: ലൈഫ്സ്റ്റൈൽ ബ്രാൻഡായ ഫാബ്ഇന്ത്യ വസന്തകാലത്തെ മുന്നിൽകണ്ട് “വസന്തത്തിന്റെ ഗാനം” എന്ന പുതിയ ക്യാമ്പെയ്ൻ ആരംഭിച്ചു. ചിക്കൻകാരി എംബ്രോയിഡറിയെ ആസ്പദമാക്കി ഒരുക്കിയ പ്രത്യേക കളക്ഷനും ഇതോടൊപ്പം പുറത്തിറക്കി.
പുരുഷന്മാർക്കും സ്ത്രീകൾക്കും കുട്ടികൾക്കുമായി എഥ്നിക്, വെസ്റ്റേൺ ശൈലികളിലായി വൈവിധ്യമാർന്ന വസ്ത്രങ്ങളാണ് ഈ കളക്ഷനിൽ ഉൾപ്പെടുത്തിയിരിക്കുന്നത്. നൂറ്റാണ്ടുകൾ പഴക്കമുള്ള ചിക്കൻകാരി എംബ്രോയിഡറി ആധുനിക ഡിസൈനുകളുമായി സംയോജിപ്പിച്ചാണ് ഈ ശേഖരം ഒരുക്കിയിരിക്കുന്നത്.
പരുത്തി, ക്രേപ്പ് തുടങ്ങിയ തുണികളിൽ പാസ്റ്റൽ നിറങ്ങളോടൊപ്പം പ്ലം, ബെറി, ഫ്യൂഷിയ പോലുള്ള നിറങ്ങൾ ചേർന്ന സമകാലീന നിറപ്പാലറ്റാണ് അവതരിപ്പിച്ചിരിക്കുന്നത്. കറുപ്പും വെളുപ്പും അടിസ്ഥാനമാക്കിയ മോണോക്രോം സീരീസ് ഈ കളക്ഷന്റെ പ്രധാന ആകർഷണങ്ങളിലൊന്നാണ്
ഓരോ വസ്ത്രത്തിന്റെയും പിന്നിൽ കരകൗശല തൊഴിലാളികളുടെ നൈപുണ്യവും സമർപ്പണവും പ്രതിഫലിപ്പിക്കുന്നതായും, അതിനെ കൂടുതൽ അടുത്തറിയിക്കാൻ പ്രത്യേക ഷോർട്ട് ഫിലിമും കമ്പനി പുറത്തിറക്കിയിട്ടുണ്ടെന്നും അധികൃതർ അറിയിച്ചു
പുരുഷന്മാർക്കായി എംബ്രോയിഡറി ഡിസൈൻ ചെയ്ത കുര്ത്തകളും ഷർട്ടുകളും, കുട്ടികൾക്കായി എംബ്രോയിഡറി കുര്ത്തകളും ചെക്ക് ഷർട്ടുകളും ഉൾപ്പെടുത്തിയിട്ടുണ്ട്. ക്രാഫ്റ്റ്മാർക്ക് ടാഗ് ഉപയോഗിച്ച് കൈത്തറി യാഥാർത്ഥ്യം ഉറപ്പാക്കിയിരിക്കുന്ന ഈ കളക്ഷൻ രാജ്യത്തെ 350-ലധികം സ്റ്റോറുകളിലും ഓൺലൈനായും ലഭ്യമാണ്.
Fabindia has launched its spring campaign titled “The Song of Spring” along with a new chikankari-based collection. The range includes ethnic and western wear for men, women, and children, blending traditional craftsmanship with modern design. The collection is available across 350+ stores and online.