‘
വയനാട്: നിയമസഭാ തിരഞ്ഞെടുപ്പ് അടുത്തിരിക്കെ സിപിഎമ്മിനെതിരെ വ്യത്യസ്തമായ പ്രതിഷേധവുമായി മേപ്പാടി സ്വദേശി ഇബ്രാഹിമിന്റെ കുടുംബം രംഗത്ത്. വീടിന് മുന്നിൽ ‘സിപിഎമ്മിന് ഇത്തവണ വോട്ടില്ല’ എന്ന പോസ്റ്റർ സ്ഥാപിച്ചാണ് കുടുംബം പ്രതിഷേധം അറിയിച്ചത്.
ബ്രഹ്മഗിരിയിൽ നടത്തിയ നിക്ഷേപത്തിൽ പണം നഷ്ടമായതാണ് ഈ നടപടിക്ക് പിന്നിലെന്ന് കുടുംബം വ്യക്തമാക്കി. ബാല്യകാലം മുതൽ സിപിഎം അനുഭാവികളായിരുന്നെങ്കിലും, സാമ്പത്തികമായി തകർന്ന അവസ്ഥയിൽ എത്തിയതോടെ ഇത്തരം ഒരു പ്രതിഷേധം നിർബന്ധിതമായതായി കുടുംബാംഗങ്ങൾ പറയുന്നു.
ഭർത്താവ് അസുഖബാധിതനായി മരിച്ചിട്ടും നിക്ഷേപിച്ച തുക തിരികെ ലഭിക്കാത്തത് കുടുംബത്തെ കടുത്ത പ്രതിസന്ധിയിലാക്കി. പലതവണ ബന്ധപ്പെട്ടവരോട് ആവശ്യപ്പെട്ടിട്ടും യാതൊരു നടപടി ഉണ്ടായിട്ടില്ലെന്നും അവർ ആരോപിച്ചു.
സംഭവം പ്രദേശത്ത് രാഷ്ട്രീയ ചർച്ചകൾക്കും വിവാദങ്ങൾക്കും വഴിയൊരുക്കിയിരിക്കുകയാണ്.
In Wayanad, a family publicly protested against CPM by putting up a poster in front of their house stating “No vote for CPM.” The protest comes after they allegedly lost money in an investment made in Brahmagiri.
The family, long-time supporters of CPM, said they were forced into this step due to severe financial hardship. Despite repeated requests, they claim no action has been taken to recover their lost money. The incident has sparked political discussions in the region ahead of the elections.