മർകസ് യുനാനി മെഡിക്കൽ കോളജിന് എയ്ഡഡ് പദവി നൽകാൻ സർക്കാർ തീരുമാനം; രാഷ്ട്രീയ ലക്ഷ്യമെന്ന ആരോപണം ഉയരുന്നു

തിരുവനന്തപുരം: കോഴിക്കോട് നോളജ് സിറ്റിയിൽ പ്രവർത്തിക്കുന്ന മർകസ് യുനാനി മെഡിക്കൽ കോളജിന് എയ്ഡഡ് പദവി നൽകാൻ സംസ്ഥാന മന്ത്രിസഭ തീരുമാനിച്ചു. ഇന്നലെ ചേർന്ന മന്ത്രിസഭാ യോഗത്തിലാണ് ഇതുസംബന്ധിച്ച തീരുമാനമെടുത്തത്.
കാന്തപുരം എ.പി അബൂബക്കർ മുസ്ലിയാരുടെ നേതൃത്വത്തിലുള്ള സ്ഥാപനമായ മർകസ് യുനാനി മെഡിക്കൽ കോളജിന് എയ്ഡഡ് പദവി ലഭിക്കുന്നതോടെ അധ്യാപകരുടെയും ജീവനക്കാരുടെയും ശമ്പളച്ചെലവ് ഉൾപ്പെടെയുള്ള സാമ്പത്തിക ബാധ്യത സർക്കാർ ഖജനാവിൽ നിന്നായിരിക്കും വഹിക്കേണ്ടി വരിക.
ഇപ്പോൾ സ്വാശ്രയ സ്ഥാപനമായി പ്രവർത്തിക്കുന്ന ഈ മെഡിക്കൽ കോളജ് വൻതുക ഫീസ് ഈടാക്കി വിദ്യാർത്ഥികളെ പ്രവേശിപ്പിക്കുന്ന സ്ഥാപനമാണ്. ഇത്തരത്തിലുള്ള ഒരു സ്വാശ്രയ സ്ഥാപനത്തിന് എയ്ഡഡ് പദവി നൽകുന്നതിലൂടെ സംസ്ഥാനത്തിന് വലിയ സാമ്പത്തിക ബാധ്യത ഉണ്ടാകുമെന്ന ആശങ്കയും ഉയരുന്നുണ്ട്.
നിയമസഭാ തിരഞ്ഞെടുപ്പ് അടുത്തിരിക്കെ കാന്തപുരം എ.പി അബൂബക്കർ മുസ്ലിയാരുടെ നേതൃത്വത്തിലുള്ള സുന്നി വിഭാഗത്തെ സർക്കാരിനോട് ചേർത്ത് നിർത്താനുള്ള രാഷ്ട്രീയ നീക്കത്തിന്റെ ഭാഗമായാണ് ഈ തീരുമാനമെന്ന ആരോപണവും രാഷ്ട്രീയ വൃത്തങ്ങളിൽ ഉയരുന്നു.
കോഴിക്കോട് നോളജ് സിറ്റിയിൽ പ്രവർത്തിക്കുന്ന മർകസ് യുനാനി മെഡിക്കൽ കോളജ് കേരളത്തിലെ ആദ്യത്തെ യുനാനി മെഡിക്കൽ കോളജാണ്. ബി.യു.എം.എസ് (BUMS) കോഴ്സാണ് ഇവിടെ ലഭ്യമാക്കുന്നത്. കേരള ആരോഗ്യ ശാസ്ത്ര സർവകലാശാലയുടെ (KUHS) അഫിലിയേഷനും കേന്ദ്ര ആയുഷ് മന്ത്രാലയത്തിന്റെ അംഗീകാരവും കോളജിന് നിലവിലുണ്ട്.
️ മന്ത്രിസഭയിലെ മറ്റ് പ്രധാന തീരുമാനങ്ങൾ
436 ഗ്രാമപഞ്ചായത്തുകളിൽ ഹെൽത്ത് ഇൻസ്പെക്ടർ ഗ്രേഡ് II താൽക്കാലിക തസ്തികകൾ സൃഷ്ടിക്കും.
കേരള പബ്ലിക് സർവീസ് കമ്മീഷനിൽ 35 പുതിയ തസ്തികകൾ സൃഷ്ടിക്കും.
ജില്ലാ ജുഡീഷ്യറി എസ്റ്റാബ്ലിഷ്മെന്റിൽ 52 തസ്തികകൾ സൃഷ്ടിക്കാൻ തീരുമാനം.
2020–24 കാലയളവിലെ 243 ഒഴിവുകളിലേക്ക് സ്പോർട്സ് ക്വാട്ട നിയമനത്തിന് അപേക്ഷ ക്ഷണിക്കും.
കേരള മിനറൽസ് ആൻഡ് മെറ്റൽസ് ലിമിറ്റഡിലെ ജീവനക്കാരുടെ വിരമിക്കൽ പ്രായം 58ൽ നിന്ന് 60 ആയി ഉയർത്തി.
കേരള സ്റ്റേറ്റ് സിവിൽ സർവീസ് കോർപ്പറേഷന്റെ കടമെടുപ്പ് പരിധി 2500 കോടിയിൽ നിന്ന് 3500 കോടിയായി ഉയർത്താൻ അനുമതി.

The Kerala cabinet has decided to grant aided status to the Markaz Unani Medical College located in Kozhikode Knowledge City. With this move, the salaries of teachers and staff will be paid from the state treasury. The institution, led by Kanthapuram A.P. Aboobacker Musliyar, is currently a self-financing college offering the BUMS course with affiliation from KUHS and recognition from the Ministry of AYUSH. The decision has triggered criticism, with allegations that it is a political move ahead of the upcoming Assembly elections.