Kollam: കൊല്ലത്ത് വീട്ടുമുറ്റത്തെ കിണറ്റിൽ വീണ് ആറുവയസ്സുകാരിക്ക് ദാരുണാന്ത്യം സംഭവിച്ചു. മുളവൂർക്കോണത്ത് വാടകയ്ക്ക് താമസിച്ചിരുന്ന കരീപ്ര സ്വദേശികളായ ടി. അനന്തുവിന്റെയും ജി. ഗീതുവിന്റെയും ഏകമകൾ അവന്തികയാണ് മരിച്ചത്.
ഇന്നലെ ഉച്ചയ്ക്ക് രണ്ടരയോടെയാണ് അപകടം നടന്നത്. അമ്മ ഗീതുവും കുട്ടിയും മാത്രമായിരുന്നു വീട്ടിലുണ്ടായിരുന്നത്. പറമ്പിൽ പപ്പായ കുത്തിയിടുന്നതിനിടെ സമീപത്തുണ്ടായിരുന്ന സ്റ്റൂളിൽ കയറി ആൾമറയിലേക്കു പിടിച്ചുകയറാൻ ശ്രമിക്കുന്നതിനിടെയാണ് കുട്ടി കിണറ്റിലേക്കു വീണത്.
കുട്ടിയെ രക്ഷിക്കാൻ അമ്മ ശ്രമിച്ചെങ്കിലും പിടി വഴുതി പോയി. നിലവിളി കേട്ട് എത്തിയ നാട്ടുകാർ ഉടൻ രക്ഷാപ്രവർത്തനം നടത്തി കുട്ടിയെ പുറത്തെടുത്ത് സമീപത്തെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
മൃതദേഹം പാരിപ്പള്ളി മെഡിക്കൽ കോളേജ് ആശുപത്രി മോർച്ചറിയിൽസൂക്ഷിച്ചിരിക്കുകയാണ്. പോസ്റ്റ്മോർട്ടത്തിന് ശേഷം ബന്ധുക്കൾക്ക് വിട്ടുനൽകും. മടന്തകോട് ഇവിയുപിഎസ് സ്കൂളിലെ ഒന്നാം ക്ലാസ് വിദ്യാർത്ഥിനിയായിരുന്നു അവന്തിക.
A six-year-old girl tragically died after falling into a well at her home in Kollam. The incident occurred while she was with her mother in the yard. Despite immediate rescue efforts by locals and rushing her to the hospital, her life could not be saved. The child was a Class 1 student.