ഡല്ഹി: ആരോഗ്യപ്രശ്നങ്ങളെ തുടര്ന്ന് സോണിയ ഗാന്ധിയെ ആശുപത്രിയില് പ്രവേശിപ്പിച്ചതായി റിപ്പോർട്ട്. ഗംഗ റാം ആശുപത്രിയിലാണ് പ്രവേശിപ്പിച്ചത് എന്നാണ് ലഭിക്കുന്ന വിവരം.
അതേസമയം ആരോഗ്യനില തൃപ്തികരമാണെന്ന് കോണ്ഗ്രസ് നേതൃത്വം അറിയിച്ചു. നിലവില് സോണിയ ഗാന്ധി ചെസ്റ്റ് ഫിസിഷ്യന്റെ നിരീക്ഷണത്തില് കഴിയുകയാണ്. പതിവ് പരിശോധനയ്ക്കായി എത്തിയതാണെന്നായിരുന്നു ആശുപത്രി അധികൃതരുടെ വിശദീകരണം. ഡല്ഹിയിലെ മലിനമായ അന്തരീക്ഷം കണക്കിലെടുത്ത് സോണിയ ഗാന്ധി ഇടയ്ക്കിടെ പരിശോധനകള് നടത്താറുണ്ടെന്നും ആശുപത്രി അധികൃതര് പറയുന്നു.