തിരുവനന്തപുരം: വരുന്ന നിയമസഭ തെരഞ്ഞെടുപ്പില് മത്സരിക്കാനില്ലെന്ന് കോണ്ഗ്രസ് നേതാവ് ചെറിയാന് ഫിലിപ്പ്.ജയസാദ്ധ്യതയുള്ള സീറ്റ് നൽകാൻ കോൺഗ്രസ് നേതൃത്വം തയ്യാറാണെങ്കിലും, സപ്തതി കഴിഞ്ഞതിനാൽ മത്സരിക്കാൻ ഉദ്ദേശിക്കുന്നില്ലെന്ന് അദ്ദേഹം സമൂഹ മാധ്യമത്തില് കുറിച്ചു.
ശാന്തികവാടത്തിലെ വൈദ്യുത ശ്മശാനത്തില് എരിഞ്ഞടങ്ങുന്നതുവരെ കോണ്ഗ്രസിന്റെ സജീവ പ്രവര്ത്തകനായിരിക്കും. രാഷ്ട്രീയ ചിന്താശേഷിയിലും ഓര്മ്മശക്തിയിലും യുവത്വം നിലനില്ക്കുന്നതിനാല് പാര്ട്ടി ഏല്പ്പിക്കുന്ന ഏതു ചുമതലയും ഉത്തരവാദിത്വത്തോടെ നിര്വ്വഹിക്കുമെന്നും ചെറിയാന് ഫിലിപ്പ് സമൂഹമാധ്യമത്തിലൂടെ വ്യക്തമാക്കി.