കൊല്ലം: തനിക്കെതിരെ കൊല്ലം ഡിസിസിക്ക് മുമ്പിൽ പോസ്റ്റർ പതിപ്പിച്ചതിൽ പ്രതികരണവുമായി കോൺഗ്രസ് രാഷ്ട്രീയകാര്യ സമിതിയംഗം ബിന്ദു കൃഷ്ണ. പോസ്റ്ററിന് പിന്നിൽ രാഷ്ട്രീയ എതിരാളികളാണ് എന്നാണ് ബിന്ദു കൃഷ്ണയുടെ പ്രതികരണം.
അതേസമയം കോൺഗ്രസിനുള്ളിൽ ഭിന്നത ഇല്ലെന്നും, ഇനിയും പോസ്റ്റുകൾ പ്രത്യക്ഷപ്പെട്ടേക്കാമെന്നും ബിന്ദു കൃഷ്ണ പറഞ്ഞു. കൂട്ടായ തീരുമാനമാണ് കോൺഗ്രസിൽ ഉണ്ടാകുന്നത്. യുഡിഎഫ് വിജയം മുന്നിൽ കണ്ടാണ് ഇത്തരത്തിൽ പോസ്റ്ററുകൾ പ്രചരിക്കുന്നതെന്നും ബിന്ദു കൃഷ്ണ കൂട്ടിച്ചേർത്തു.