ബെംഗളൂരു: ബെംഗളുരുവിൽ ഭിന്നശേഷിക്കാരിയായ യുവതിയെ ലൈംഗികമായി ചൂഷണം ചെയ്ത പ്രതിയെ നാട്ടുകാർ ചേർന്ന് പിടികൂടി. കാലുകൾക്ക് ചലനശേഷിയും സംസാരശേഷിയും ഇല്ലാത്ത യുവതിക്ക് നേരെയായിരുന്നു യുവാവിന്റെ ക്രൂരത. ആളില്ലാത്ത സമയം നോക്കി യുവതിയുടെ വീട്ടിൽഅതിക്രമിച്ച് കയറിയ യുവാവ് ഭിന്നശേഷിക്കാരിയായ യുവതിയെ ബലാത്സംഗത്തിന് ഇരയാക്കുകയായിരുന്നു. പ്രതിയെ നാട്ടുകാരും സമീപവാസികളും ചേർന്ന് പിടികൂടുകയും ഇയാളെ മർദിക്കുകയും ചെയ്തു. സ്ത്രീകൾ ഉൾപ്പെടെയുള്ളവർ ചേർന്ന് യുവാവിനെ മർദിക്കുന്നതിനിടെ ദൃശ്യങ്ങളും പുറത്തുവന്നിട്ടുണ്ട്. നടുറോഡിലിട്ട് യുവാവിനെ നാട്ടുകാർ പൊതിരെ തല്ലുന്ന ദൃശ്യങ്ങളാണ് പുറത്തുവന്നിട്ടുള്ളത്.
രണ്ട് കാലുകൾക്കും ചലന ശേഷിയില്ലാത്ത യുവതിയാണ് അതിക്രമത്തിന് ഇരയായത്. ഈ യുവതിക്ക് സംസാര ശേഷിയിയും ഉണ്ടായിരുന്നില്ല. ബെംഗളൂരു ആടുഗോഡി എം ആർ നഗറിലായിരുന്നു ദാരുണമായ സംഭവം. അസം സ്വദേശിയായ വിഘ്നേശ് യുവാവ് ആണ് യുവതിയെ ബലാത്സംഗം ചെയ്തത്. നവംബർ ഒമ്പതിന് ആയിരുന്നു സംഭവം നടന്നത്. ഇതേ ദിവസം യുവതിയുടെ വീട്ടിലുള്ള എല്ലാവരും ഒരു വിവാഹ ചടങ്ങിൽ പങ്കെടുക്കുന്നതിനായി പുറത്ത് പോയിരുന്നു. വീടിന്റെ വാതിൽ പുറത്ത് നിന്ന് അടച്ചതിന് ശേഷമാണ് പോയത്. വീട്ടിൽ ആരുമില്ലെന്ന് മനസിലാക്കിയ പ്രതി വീട്ടിലേക്ക് അതിക്രമിച്ച് കടന്ന ശേഷമാണ് യുവതിയെ പീഡിപ്പിച്ചത്. വിവാഹ ചടങ്ങ് കഴിഞ്ഞ് മടങ്ങിയെത്തിയ വീട്ടുകാർ വാതിൽ അകത്ത് നിന്ന് പൂട്ടിയിരിക്കുന്നത് ശ്രദ്ധയിൽപ്പെട്ടതോടെ നാട്ടുകാരുടെ സഹായത്താൽ തല്ലിപ്പൊളിക്കുകയായിരുന്നു. തുടർന്ന് വീടിനുള്ളിൽ നിന്നും പിടികൂടിയ യുവാവിനെ നാട്ടുകാർ ചേർന്ന് കൈകാര്യം ചെയ്യുകയ്യായിരുന്നു. നാട്ടുകാർ വിവരം അറിയിച്ചതോടെ പോലീസെടുത്തുകയും ഇയാളെ പിടികൂടുകയും ചെയ്തു. യുവതിയുടെ പരാതിയുടെ അടിസ്ഥാനത്തിൽ പ്രതിക്കെതിരെ പോലീസ് കേസ് എടുത്ത് അന്വേഷണം ആരംഭിച്ചിട്ടുണ്ട്.