മണ്ഡല കാലത്തിന് എല്ലാ ഒരുക്കങ്ങളും പൂർത്തിയായി. സംതൃപ്തിയോടെയാണ് പടിയിറങ്ങുന്നത് എന്ന് പി എസ് പ്രശാന്ത്.12000 പേർ പമ്പയിൽ വന്നാലും ഇപ്പോൾ പ്രശ്നമില്ല. ഭക്തർക്ക് വേണ്ട സൗകര്യങ്ങൾ എല്ലാം ശബരിമലയിൽ ഒരുക്കിയിട്ടുണ്ട് എന്നും അദ്ദേഹം മാധ്യമങ്ങളോട് പറഞ്ഞു.
ബോർഡിൻ്റെ കാലാവധി നീട്ടും എന്ന് പറഞ്ഞത് മാധ്യമങ്ങളാണ്.കെ ജയകുമാർ ശബരിമലയുടെ തലപ്പത്തേക്ക് വരുന്നത് സർക്കാരിൻ്റെ ദീർഘ വീക്ഷണത്തിൻ്റെ ഭാഗമാണ്. കെ ജയകുമാർ ദേവസ്വം ബോർഡ് പ്രസിഡൻ്റ് ആകുന്നത് തനിക്ക് അഭിമാനമുള്ള കാര്യമാണ് എന്നും അദ്ദേഹം പറഞ്ഞു.
മനസാക്ഷിക്ക് മുന്നിൽ താൻ തെറ്റുകാരനല്ല. അന്വേഷണം ശരിയായ രീതിയിലാണ് നടക്കുന്നത്. ബോർഡിൻ്റെ 2 വർഷത്തെ പ്രവർത്തനം സത്യസന്ധമാണ് എന്നും അദ്ദേഹം പറഞ്ഞു.