ഇടുക്കി: മുല്ലപ്പെരിയാര് അണക്കെട്ടിൽ ബോംബ് ഭീഷണി. ഭീഷണി സന്ദേശത്തെക്കുറിച്ചുള്ള വിവരം ലഭിച്ച ഉടൻ തന്നെ പോലീസും ബോംബ് സ്ക്വാഡും സ്ഥലത്തെത്തി. പരിശോധന തുടരുകയാണ്. ഇ-മെയിൽ വഴിയാണ് മുല്ലപ്പെരിയാര് അണക്കെട്ടിൽ ബോംബ് വെച്ചിട്ടുണ്ടെന്ന തരത്തിലുള്ള ഭീഷണി സന്ദേശമെത്തിയത്. തൃശൂര് കളക്ടറേറ്റിലെ ഇ-മെയിൽ ഐഡിയിലേക്കാണ് സന്ദേശം വന്നത്. ഇവിടുന്ന് വിവരം കൈമാറിയതിനെത്തുടർന്നാണ് മുല്ലപ്പെരിയാര് അണക്കെട്ടിൽ പരിശോധനയ്ക്കായി പോലീസും ബോംബ് സ്ക്വാഡും എത്തിയത്. വ്യാജ സന്ദേശമാണിതെന്ന പോലീസിന്റെ പ്രാഥമിക നിഗമനം. അതേസമയം മുല്ലപ്പെരിയാര് അണക്കെട്ട് ഡീകമ്മീഷൻ ചെയ്യണമെന്ന ഹര്ജിയിൽ സുപ്രീം കോടതി നോട്ടീസ് അയച്ചു. വിഷയത്തിൽ മറുപടി നൽകണമെന്ന് ആവശ്യപ്പെട്ടുകൊണ്ടാണ് സുപ്രീം കോടതി സംസ്ഥാനങ്ങള്ക്ക് നോട്ടീസ് അയച്ചത്.