നിയമസഭയിൽ രാഹുൽ മാങ്കൂട്ടത്തിലിൻ്റെ ഇരിപ്പിടം മാറ്റും. പ്രത്യേക ബ്ലോക്ക് ആയി രാഹുൽ സഭയിൽ ഇരിക്കേണ്ടി വരും.കോൺഗ്രസിന്റെ പ്രാഥമിക അംഗത്വത്തിൽ നിന്നും പാർലമെൻററി പാർട്ടിയിൽ നിന്നും രാഹുലിനെ സസ്പെൻഡ് ചെയ്ത വിവരം പ്രതിപക്ഷ നേതാവ് സ്പീക്കറെ അറിയിച്ചു.
രാഹുൽ മങ്കൂട്ടത്തിലിനെതിരായ ലൈംഗിക ആരോപണ കേസ് വലിയ തിരിച്ചടിയാകുന്ന ഘട്ടത്തിലാണ് രാഹുലിന്റെ സസ്പെൻഷൻ പ്രതിപക്ഷ നേതാവ് ഔദ്യോഗികമായി സ്പീക്കറെ അറിയിച്ചത്.കോൺഗ്രസ് അംഗങ്ങൾക്കൊപ്പം എന്നതിൽ നിന്നും മാറി പ്രത്യേക ബ്ലോക്ക് ആയിട്ടാകും നിയമസഭയിൽ രാഹുലിന് ഇനി ഇരിക്കേണ്ടി വരിക. സഭയിലെ ചർച്ചയിൽ കോൺഗ്രസിന് അനുവദിക്കുന്ന സമയവും ഇനി രാഹുലിന് ലഭിക്കുകയില്ല.
തിങ്കളാഴ്ചയാണ് സഭാ സമ്മേളനം ആരംഭിക്കുക.സഭാ സമ്മേളനത്തിൽ രാഹുൽ പങ്കെടുക്കുന്ന കാര്യത്തിൽ ഇപ്പോഴും വലിയ തർക്കം കോൺഗ്രസിനുള്ളിൽ തുടരുകയാണ്.