കോഴിക്കോട്: കാറിൽ അതിതീവ്ര പ്രകാശം പരത്തുന്ന ലൈറ്റ് ഘടിപ്പിച്ചു. വാഹന ഉടമയുടെ ലൈസന്സ് റദ്ദാക്കി ആർടിഒ. വടകര കുന്നുമ്മക്കര സ്വദേശി അഭിനന്ദിനെതിരെയാണ് ആർടിഒയുടെ നടപടി. എടപ്പാളിലെ റോഡ് സുരക്ഷാ പരിശീലന ക്ലാസില് പങ്കെടുക്കാനും അഭിനന്ദിനോട് നിര്ദേശിച്ചു.
അഭിനന്ദിൻ്റെ ഉടമസ്ഥതയിലുള്ള മാരുതി സെൻ കാറിലാണ് മാറ്റം വരുത്തിയത്. കെഎല് 13 എല് 3419 നമ്പറിലുള്ള മാരുതി സെന് കാറിന്റെ പുറകുവശത്ത് അനധികൃതമായി ലൈറ്റ് ഘടിപ്പിച്ചതാണ് തെറ്റ്. വാഹനത്തിൻ്റെ പുറകിൽ വരുന്ന ഡ്രൈവര്മാര്ക്ക് കാഴ്ചക്ക് ബുദ്ധിമുട്ടുണ്ടാക്കുന്ന തരത്തിലുള്ള ലൈറ്റാണ് ഘടിപ്പിച്ചത്. ഇത് സംബന്ധിച്ച് ആർടിഒയ്ക്ക് നേരത്തെ പരാതി ലഭിച്ചിരുന്നു. തുടര്ന്ന് വടകര ആര്ടിഒ, പി രാജേഷാണ് അഭിനന്ദിനെതിരെ നടപടിയെടുത്തത്. വരും ദിവസങ്ങളില് ഇത്തരത്തിലുള്ള അനധികൃത രൂപമാറ്റങ്ങള്ക്കെതിരെ പരിശോധന നടത്തുമെന്ന് അദ്ദേഹം അറിയിച്ചു.