കൊച്ചി: പരോള് ആവശ്യപ്പെട്ട് ടി പി ചന്ദ്രശേഖരന് വധക്കേസ് പ്രതി അണ്ണന് സിജിത്ത് നല്കിയ ഹര്ജി ഹൈക്കോടതി തള്ളി. കുഞ്ഞിന്റെ ചോറൂണില് പങ്കെടുക്കാന് പരോള് വേണമെന്ന പ്രതിയുടെ ആവശ്യമാണ് കോടതി തള്ളിയത്.
അതേസമയം കൊലപാതകക്കേസ് പ്രതിക്ക് എല്ലാ ചടങ്ങുകളിലും പങ്കെടുക്കാനായി പരോള് നല്കാനാകില്ലെന്നാണ് ഹൈക്കോടതി വ്യക്തമാക്കിയത്. കുഞ്ഞിന്റെ ജനന സമയത്തും പത്ത് ദിവസത്തെ പരോള് അനുവദിച്ചിരുന്നു. ടി പി ചന്ദ്രശേഖരന് വധക്കേസില് ജീവപര്യന്തം തടവ് ശിക്ഷ അനുഭവിക്കുകയാണ് അണ്ണന് സിജിത്ത്.