കോട്ടയം: സിപിഐ മുൻ സംസ്ഥാന സെക്രട്ടറി കാനം രാജേന്ദ്രന്റെ ഭാര്യ വനജ രാജേന്ദ്രനും (65) മകൻ സന്ദീപ് രാജേന്ദ്രനും (42) വാഹനാപകടത്തിൽ പരിക്കേറ്റു. തലയോലപ്പറമ്പ് വടകര തോട്ടം ജംഗ്ഷന് സമീപം ഇന്നലെ വൈകുന്നേരം 4:30 ഓടെയാണ് അപകടമുണ്ടായത്. മിനിലോറിയും കാറും കൂട്ടിയിടിച്ചാണ് അപകടം.
ഇടിയുടെ ആഘാതത്തിൽ ഇന്നോവ കാറിന്റെ മുൻഭാഗം പൂർണ്ണമായും തകർന്നു. അപകടത്തിൽ വനജ രാജേന്ദ്രന്റെ തലയ്ക്കാണ് പരിക്ക്. ഇരുവരെയും എറണാകുളത്തെ സ്വകാര്യ ആശുപത്രിയിൽ പ്രവേശിപ്പിച്ചു.
എറണാകുളത്ത് നിന്ന് തലയോലപ്പറമ്പ് ഇല്ലിത്തൊണ്ടിലുള്ള ഗ്രാനൈറ്റ് കടയിലേക്ക് ലോഡുമായി വരികയായിരുന്ന മിനിലോറിയും, വാഴൂർ കാനത്ത് നിന്ന് എറണാകുളം ഭാഗത്തേക്ക് പോവുകയായിരുന്ന കാറുമാണ് അപകടത്തിൽപ്പെട്ടത്.