ജിദ്ദ: ജിദ്ദയിൽ ഹൃദയാഘാതത്തെ തുടർന്ന് ചികിത്സയിലായിരുന്ന ആലപ്പുഴ സ്വദേശി മരിച്ചു. വെള്ളിയാഴ്ചയാണ് മരണം സംഭവിച്ചത്. കൈതവന അരിമ്പൂൾ പുത്തൻപറമ്പിൽ പരേതനായ ജോയിച്ചന്റെയും മേബിൾ ജോസഫിന്റെയും മകൻ സാം എന്നറിയപ്പെടുന്ന 51 കാരനായ മാത്യു ജോസഫ് ആണ് മരിച്ചത്.
30 വർഷമായി പ്രവാസിയായ ഇദ്ദേഹം ജിദ്ദയിലെ എ.എം.എച്ച് അൽഷായ ട്രേഡിങ് കമ്പനിയിൽ വെയർഹൗസ് മാനേജരായി ജോലി ചെയ്തുവരികയായിരുന്നു. മൃതദേഹം നാട്ടിലെത്തിച്ച് സംസ്കരിക്കുമെന്ന് ബന്ധപ്പെട്ടവർ അറിയിച്ചു.
ഭാര്യ: ചങ്ങനാശേരി മൈലംത്തറ കുടുബാംഗമായ ലിജു ജേക്കബ്. മക്കൾ: മെർവിൻ മാത്യു, ജസ്വിൻ മാത്യു, കെൽവിൻ മാത്യു. സഹോദരങ്ങൾ: സജി ജോജോ, സഞ്ജു ബിബു.