ഇടുക്കി: ജില്ല ആശുപത്രിയിൽ ലിഫ്റ്റ് തകരാറിനെ തുടർന്ന് ഡയാലിസിസ് രോഗികളെ അഞ്ചാം നിലയിലേക്ക് ചുമന്നു കൊണ്ട് പോകേണ്ട സ്ഥിതിയിലാണ്. പുതിയ ബിൽഡിങ്ങിലെ ലിഫ്റ്റ് നിർമാണവും മറ്റു സൗകര്യങ്ങളും ഒരുക്കാത്ത കാരണം ആറ് വർഷമായി ഫിറ്റ്നസ് ഇല്ലാതെയാണ് ജില്ലാ ആശുപത്രിയുടെ പ്രവർത്തനം. ഇടുക്കി ജില്ലാ ആശുപത്രിയിലെ അടിസ്ഥാന സൗകര്യങ്ങൾ പോലും ഇല്ലായ്മ പലകുറി അധികൃതരുടെ ശ്രദ്ധയിൽ പെടുത്തിയിട്ടും യാതൊരു ഫലവുമില്ല.
ആശുപത്രിയിൽ എത്തുന്ന മറ്റു രോഗികൾക്കും ഇതുതന്നെയാണ് അവസ്ഥ. അനാസ്ഥയിൽ പ്രതിഷേധിച്ചു യൂത്ത് ലീഗ് ആശുപത്രിയിലേക്ക് പ്രതിഷേധ മാർച്ച് നടത്തി. സാങ്കേതിക പ്രശ്നം മാത്രമാണെന്നും, ഉടൻ പരിഹാരം കാണുമെന്നുമാണ് ജില്ലാ പഞ്ചായത്തിന്റെ വിശദീകരണം.