തൃശ്ശൂര്: വാല്പ്പാറ പച്ചമല എസ്റ്റേറ്റില് പുലി പിടിച്ച കുട്ടിയുടെ മൃതദേഹം കണ്ടെത്തിയതായി റിപ്പോർട്ട്. ലയത്തില് നിന്നും 300 മീറ്റര് അകയെ നിന്നാണ് മൃതദേഹം കണ്ടെത്തിയത് എന്നാണ് ലഭിക്കുന്ന റിപ്പോർട്ട്.
ഇന്നലെയാണ് ദാരുണമായ സംഭവം ഉണ്ടായത്. മുറ്റത്ത് കളിച്ചുകൊണ്ടിരിക്കെയാണ് കുഞ്ഞിനെ പുലി പിടിച്ചത്. ജാര്ഖണ്ഡ് സ്വദേശികളായ മനോജ് ഗുപ്ത-മോനിക്ക ദമ്പതികളുടെ മകള് നാലുവയസുകാരി രജനിയെയാണ് പുലി കടിച്ചെടുത്തുകൊണ്ടുപോയത്.
ഇന്നലെ പൊലീസും വനംവകുപ്പും ഫയര്ഫോഴ്സും നാട്ടുകാരും ചേര്ന്ന് ഇന്നലെ തിരച്ചില് നടത്തിയെങ്കിലും കുഞ്ഞിനെ കണ്ടെത്തിയിരുന്നില്ല. ഇന്ന് രാവിലെ തിരച്ചില് പുനഃരാരംഭിച്ചപ്പോഴാണ് മൃതദേഹം കണ്ടെത്തിയത്.