ന്യൂഡല്ഹി: റാവല്പിണ്ടി നുര്ഖാന് വ്യോമത്താവളം ഇന്ത്യ ആക്രമിച്ചെന്ന് സ്ഥിരീകരിച്ച് പാകിസ്ഥാന്. പാക് പ്രധാനമന്ത്രി ഷഹബാസ് ഷെരീഫ് ആണ് ഇക്കാര്യം സ്ഥിരീകരിച്ചത്. ആക്രമണം നടത്തിയ വിവരം സൈനിക മേധാവിയാണ് തന്നെ അറിയിച്ചതെന്നും ഷഹബാസ് ഷെരീഫ് വ്യക്തമാക്കി.
പഹല്ഗാം ഭീകരവാദ ആക്രമണത്തെത്തുടര്ന്ന് അടച്ച ഇന്ത്യ-പാക് അതിര്ത്തി അട്ടാരി വാഗ ബോര്ഡര് തുറന്നു. 23 ദിവസത്തെ ഇടവേളയ്ക്ക് ശേഷമാണ് ബോര്ഡര് തുറന്നത്. അഫ്ഗാനിസ്ഥാനില് നിന്നും ഡ്രൈ ഫ്രൂട്ട്സുമായി എത്തിയ എട്ട് ട്രക്കുകളാണ് അതിര്ത്തി വഴി ഇന്ത്യയിലേക്കെത്തിയത്. കേന്ദ്ര സര്ക്കാരിന്റെ പ്രത്യേക അനുമതി പ്രകാരമാണ് നടപടി. ഇന്ത്യ പാക് സംഘര്ഷത്തിന്റെ പശ്ചാത്തലത്തില് 150 ഓളം ചരക്ക് ലോറികള് ലാഹോറിനും വാഗയ്ക്കുമിടയില് കുടുങ്ങിയിരുന്നു. വെടിനിര്ത്തല് ധാരണ നിലവില് വന്നതോടെയാണ് അഫ്ഗാന് ചരക്ക് വാഹനങ്ങള്ക്ക് മാത്രമായി അതിര്ത്തി തുറന്നത്. ഏപ്രില് 24 മുതല് അട്ടാരി അതിര്ത്തിയില് കുടുങ്ങിക്കിടക്കുകയായിരുന്നു ട്രക്കുകള്.