തിരുവനന്തപുരം: കേരളത്തിലെ എൽഡിഎഫ് സര്ക്കാരിനോട് വലിയ മമതയും പ്രതിബന്ധതയുമുണ്ടെന്നും ഇത് നിലമ്പൂരിലെ ഉപതെരഞ്ഞെടുപ്പിലും പ്രതിഫലിക്കുമെന്നും വ്യക്തമാക്കി എൽഡിഎഫ് സ്ഥാനാര്ത്ഥി എം സ്വരാജ്.
അതേസമയം എൽഡിഎഫ് സര്ക്കാരിന്റെ പ്രവര്ത്തനങ്ങള്ക്കുള്ള അംഗീകാരമായി ഈ തെരഞ്ഞെടുപ്പിലെ വോട്ടുകള് മാറുമെന്നും എം സ്വരാജ് വാര്ത്താസമ്മേളനത്തിൽ പ്രതികരിച്ചു. വര്ഗീയ ശക്തികള്ക്കെതിരെ എൽഡിഎഫ് സ്വീകരിക്കുന്ന നിലപാട് മതനിരപേക്ഷ വാദികള്ക്ക് പ്രതീക്ഷ നൽകുന്നതാണ് എന്നും ഇതെല്ലാം ഈ തെരഞ്ഞെടുപ്പിൽ ചര്ച്ചയാകും എന്നും വിജയിക്കുമെന്ന തികഞ്ഞ ആത്മവിശ്വാസമുണ്ട് എന്നും അദ്ദേഹം കൂട്ടിച്ചേർത്തു.