യുദ്ധം ചെയ്യാൻ വന്നാൽ കോൺഗ്രസ് അവസാനത്തെ ആയുധം എടുക്കാൻ പോലും മടിക്കില്ലെന്ന് മുൻ കെപിസിസി പ്രസിഡന്റ് കെ സുധാകരൻ. പല്ലില്ലെങ്കിലും ഉള്ള പല്ല് കൊണ്ട് കടിക്കുമെന്നും കെ സുധാകരൻ പറഞ്ഞു. പല്ലുകൊഴിഞ്ഞ സിംഹമാണെന്ന സിപിഎമ്മിന്റെ പരിഹാസത്തിന് മറുപടി പറയുകയായിരുന്നു കെ സുധാകരൻ. “പല്ലില്ലെങ്കിലും ഉള്ള പല്ല് കൊണ്ട് കടിക്കും, നഖമില്ലെങ്കിലും വിരൽ കൊണ്ട് തിന്നും” – കെ സുധാകരൻ പറഞ്ഞു.
തന്നെ കൊല്ലാൻ സിപിഎം പല തവണ ബോംബ് എറിഞ്ഞിട്ടുണ്ടണെന്ന് കെ സുധാകരൻ ചൂണ്ടിക്കാട്ടി. പക്ഷെ താൻ ഇപ്പോഴും ജീവനോടെ ഇരിക്കുകയാണെന്നും കെ സുധാകരൻ കൂട്ടിച്ചേർത്തു.
“ഞങ്ങളോട് കളിച്ചാൽ തിരിച്ചടിക്കും. നിങ്ങളെ കളിപ്പിക്കാനും ഞങ്ങൾക്കാകും. പൊലീസുകാർ അവരുടെ ജോലി ചെയ്യാതിരിക്കുകയാണെങ്കിൽ, അവരെയും കൈകാര്യം ചെയ്യേണ്ടിവരും. യുദ്ധം ചെയ്യാൻ വന്നാൽ കോൺഗ്രസ് അവസാനത്തെ ആയുധം എടുക്കാൻ പോലും മടിക്കില്ല”- കെ സുധാകരൻ വെല്ലുവിളിച്ചു.
കെ.പി.സി.സി പ്രസിഡന്റ് സ്ഥാനമൊഴിഞ്ഞതിന് പിന്നാലെയാണ് സിപിഎമ്മിന്റെ പരിഹാസപരമായ “പല്ലുകൊഴിഞ്ഞ സിംഹം” എന്ന പരിഹാസം ഉയർന്നത്. ഇതിന്റെ പശ്ചാത്തലത്തിലായിരുന്നു സുധാകരന്റെ കനത്ത പ്രതികരണം.