മലയാളികള് ഏറെ ആകാംക്ഷയോടെ കാത്തിരിക്കുന്ന ചിത്രമാണ് എമ്പുരാൻ. ഇപ്പോൾ എമ്പുരാന് വിജയാശംസകള് നേര്ന്ന് രംഗത്ത് എത്തിയിരിക്കുകയാണ് സൂപ്പർ താരം മമ്മൂട്ടി. ചിത്രം നാളെയാണ് ലോകമെമ്പാടുമുള്ള തിയറ്ററുകളില് എത്തുക. സോഷ്യല് മീഡിയയിലൂടെയാണ് റിലീസ് ദിനത്തിന്റെ തലേന്ന് മമ്മൂട്ടിയുടെ കുറിപ്പ് വന്നിരിക്കുന്നത്. കുറിപ്പിനൊപ്പം ചിത്രത്തിന്റെ പോസ്റ്ററും മമ്മൂട്ടി പങ്കുവച്ചിട്ടുണ്ട്.
എമ്പുരാന്റെ മുഴുവന് താരങ്ങള്ക്കും അണിയറ പ്രവര്ത്തകര്ക്കും ഒരു ചരിത്ര വിജയം ആശംസിക്കുന്നു. ലോകത്തിന്റെ അതിരുകള് ഭേദിച്ചുകൊണ്ട് മലയാള സിനിമയ്ക്ക് അഭിമാനം പകരുന്ന ചിത്രമാവും ഇതെന്ന് പ്രതീക്ഷിക്കുന്നു. പ്രിയ ലാല്, പൃഥ്വി നിങ്ങള്ക്ക് എല്ലാ പിന്തുണയും എന്നാണ് മമ്മൂട്ടി കുറിച്ചത്. മമ്മൂട്ടിയുടെ സോഷ്യല് മീഡിയ പോസ്റ്റിന് വന് സ്വീകാര്യതയാണ് ലഭിക്കുന്നത്.