പെട്രോൾ പമ്പിൽ നിന്നും പണം മോഷ്ടിക്കാൻ ശ്രമിച്ച കേസിൽ പ്രതി അറസ്റ്റിൽ. നെല്ലിക്കുഴി പൂമറ്റം കവലയ്ക്ക് സമീപം തേലക്കാട്ട് വീട്ടിൽ ഷാജഹാൻ (49) നെയാണ് പെരുമ്പാവൂർ പോലീസ് അറസ്റ്റ് ചെയ്തത്. മലമുറി വടക്കാട്ടുപടി ഭാഗത്തുള്ള പെട്രോൾ പമ്പിൽ കഴിഞ്ഞ 26 ന് പുലർച്ചെ ഓഫീസ് റൂമിന്റെ പൂട്ട് പൊളിച്ച് അകത്തു കയറി മോഷ്ടിക്കാൻ ശ്രമിക്കുകയായിരുന്നു. ഇയാൾക്കെതിരെ വിവിധ പോലീസ് സ്റ്റേഷനുകളിൽ വേറെയും മോഷണ കേസുകൾ നിലയിലുണ്ട്.ഇൻസ്പെക്ടർ റ്റി. എം.സൂഫി, എസ് ഐ എൽദോസ് കുര്യാക്കോസ് എന്നിവരടങ്ങിയ സംഘമാണ് കേസ് അന്വേഷിച്ചത്.