ന്യൂഡല്ഹി: കോക്രോച്ച് ജനതാ പാർട്ടി പ്രതിനിധികളും കേന്ദ്രമന്ത്രിമാരുമായുളള ചർച്ച പൂർത്തിയായി. സൗരവ് ദാസും അശുതോഷ് റാങ്കെയുമാണ് കോക്രോച്ച് ജനതാ പാര്ട്ടിയുടെ പ്രതിനിധികളായി പങ്കെടുത്തത്. കോണ്സ്റ്റിറ്റ്യൂഷന് ക്ലബിലാണ് കേന്ദ്രസര്ക്കാരിന്റെയും സിജെപിയുടെയും പ്രതിനിധികള് കൂടിക്കാഴ്ച നടത്തിയത്.
ചര്ച്ചയില് മൂന്ന് ആവശ്യങ്ങളാണ് സിജെപി ഉന്നയിച്ചത്.ധര്മ്മേന്ദ്ര പ്രധാന് രാജിവയ്ക്കണം എന്നതായിരുന്നു പ്രധാന ആവശ്യം.ജീവനൊടുക്കിയ കുട്ടികളുടെ കുടുംബങ്ങള്ക്ക് ഒരുകോടി രൂപ നഷ്ടപരിഹാരം നല്കണമെന്നും ഡല്ഹി പൊലീസ് രജിസ്റ്റര് ചെയ്ത എഫ്ഐആറുകള് റദ്ദാക്കണമെന്നും സിജെപി പ്രതിനിധികള് ആവശ്യപ്പെട്ടു.
ഇതില് രണ്ട് ആവശ്യങ്ങളില് കേന്ദ്രം പോസിറ്റീവ് നിലപാട് നൽകിയെങ്കിലും ധര്മേന്ദ്ര പ്രധാന്റെ രാജി ആവശ്യത്തില് നിലപാട് പറയാന് കേന്ദ്രം നാളെ ഉച്ചയ്ക്ക് രണ്ടര വരെ സമയം തേടിയിരിക്കുകയാണ്.അതേസമയം, ധര്മേന്ദ്ര പ്രധാന്റെ രാജിയില്ലെങ്കില് സമരം ശക്തമാക്കാനാണ് സിജെപിയുടെ തീരുമാനം.