കോഴിക്കോട്: ഓൾ കേരള മീറ്റ് മർച്ചന്റ്സ് അസോസിയേഷൻ ജില്ലാ ജനറല് ബോഡി യോഗത്തിന്റെ പുതിയ തീരുമാനം ഇങ്ങനെയാണ്. മലബാര് മേഖലയില് ഈ മാസം 15 മുതല് ബീഫിന് വിലകൂട്ടാനാണ് തീരുമാനം.
കേരളത്തിലും അയല് സംസ്ഥാനങ്ങളിലും കന്നുകാലികള്ക്ക് വില വര്ദ്ധിച്ചതാണ് ഇറച്ചിയുടെ വില വര്ദ്ധിക്കാന് കാരണം.
പുതുക്കിയ വിലയനുസരിച്ച് എല്ലുള്ളതിന് കിലോയ്ക്ക് 400 രൂപയും എല്ലില്ലാത്തതിന് കിലോയ്ക്ക് 460 രൂപയുമാകും. പഴയ നിരക്കനുസരിച്ച് എല്ലുള്ളതിന് കിലോയ്ക്ക് 340 രൂപയും എല്ലില്ലാത്തതിന് കിലോയ്ക്ക് 360 രൂപയുമായിരുന്നു വില.
മാംസ വ്യാപാര മേഖലയിലെ ഉപോത്പ്പന്നങ്ങളായ തുകല്, എല്ല്, നെയ്യ് എന്നിവയ്ക്കുണ്ടായ വിലയിടിവും വില വര്ദ്ധിക്കാന് കാരണമായി.