കൊച്ചി സിറ്റി പോലീസിന്റെ ഓപ്പറേഷൻ തൂഫാൻ നാർക്കോ ഹണ്ടിന്റെ ഭാഗമായി പള്ളുരുത്തിയിൽ നിന്ന് LSD സ്റ്റാമ്പുകളുമായി യുവാവിനെ അറസ്റ്റ് ചെയ്തു. പള്ളുരുത്തി ചുള്ളിക്കൽ ഹൗസിൽ താമസിക്കുന്ന അനു ജോയ് (36) ആണ് പിടിയിലായത്.
കൊച്ചി സിറ്റി പോലീസ് കമ്മീഷണർ എസ്. കാളിരാജ് മഹേഷ് കുമാർ IPS ന് ലഭിച്ച രഹസ്യവിവരത്തിന്റെ അടിസ്ഥാനത്തിൽ നടത്തിയ പരിശോധനയിലാണ് മയക്കുമരുന്ന് കണ്ടെത്തിയത്. നാർക്കോട്ടിക് സെൽ അസിസ്റ്റന്റ് കമ്മീഷണർ ടി.ഡി. സുനിൽകുമാറിന്റെ നേതൃത്വത്തിലുള്ള DANSAF സംഘമാണ് പ്രതിയുടെ വീട്ടിൽ പരിശോധന നടത്തിയത്.
പള്ളുരുത്തി പുല്ലർ ദേശം റോഡിലെ സ്നേഹം ലൈനിലുള്ള വീട്ടിൽ നിന്നാണ് 11 LSD സ്റ്റാമ്പുകൾ പിടിച്ചെടുത്തത്. സംഭവത്തിൽ കൂടുതൽ അന്വേഷണം തുടരുകയാണെന്ന് പോലീസ് അറിയിച്ചു.
English Summary:
As part of Operation Toofan Narcotic Hunt, Kochi City Police arrested a 36-year-old man from Palluruthy for possession of LSD stamps. Acting on a tip-off received by City Police Commissioner S. Kalliraj Mahesh Kumar IPS, the DANSAF team led by Narcotic Cell Assistant Commissioner T.D. Sunilkumar seized 11 LSD stamps from the accused’s residence. Further investigation is underway.