തിരുവനന്തപുരം: ടൂറിസ്റ്റ് ബസുകളിലെ ഏകീകൃത കളർ കോഡ് മാറ്റാമെന്ന് സ്റ്റേറ്റ് ട്രാൻസ്പോർട്ട് അതോറിറ്റി. ഭേദഗതി സംബന്ധിച്ച് സർക്കാരിന് ശുപാർശ ചെയ്യും.
നിലവിൽ സംസ്ഥാനത്തെ ടൂറിസ്റ്റ് ബസ്സുകൾക്ക് വെള്ള നിറമാണ് നൽകിയിരിക്കുന്നത്. നിറവും റോഡ് സുരക്ഷയും സംബന്ധിച്ച് ശാസ്ത്രീയ തെളിവില്ലെന്ന് എസ്ടിഎ നിരീക്ഷിച്ചു.
ബസ് ഓപ്പറേറ്റർമാരുടെ ആവശ്യം പരിഗണിച്ചാണ് നടപടി. നിയമത്തിൽ ഭേദഗതി വരുത്തേണ്ടത് സർക്കാരാണ്. ഹൈക്കോടതി വിധിയുടെയും മുൻകാലങ്ങളിലെ അപകടങ്ങളുടെയും പശ്ചാത്തലത്തിലായിരുന്നു ഏകീകൃത നിറമാക്കി സർക്കാർ ഉത്തരവ് പുറപ്പെടുവിച്ചത്.