തിരുവനന്തപുരം: സംസ്ഥാനത്ത് ജവാൻ മദ്യത്തിന്റെ ഉൽപ്പാദനം പൂർണമായും നിലച്ചു. മദ്യം പാക്ക് ചെയ്യുന്നതിനുള്ള വസ്തുക്കൾ ഇല്ലാത്തതാണ് പ്രതിസന്ധിക്ക് കാരണം. നാല് ദിവസമായി ഉൽപ്പാദനം പൂർണമായി നിലച്ച നിലയിലാണ്.
ഇതുമൂലം ബിവറേജസ് കോർപ്പറേഷൻ ഉണ്ടാകാൻ പോകുന്നത് കനത്ത നഷ്ടമാണ്. ദിവസവും 6000 മുതൽ 10000 കേസ് വരെ കയറ്റി അയച്ചിരുന്നു.
കുപ്പി, കേസ്, ലേബൽ, ക്യാപ്പ് എന്നിവ ഇല്ലാത്തതാണ് ഉൽപ്പാദനത്തെ പ്രതിസന്ധിയിലാക്കിയത്. ടെൻഡർ നടപടികൾ സമയബന്ധിതമായി പൂർത്തിയാക്കാത്തതാണ് പ്രശ്നമായത്.
ബെവ്കോ എംഡി എം ആർ അജിത് കുമാറിന്റെ ഭാഗത്തുനിന്ന് ടെൻഡർ മുന്നോട്ടു കൊണ്ടുപോകുന്നതിനുള്ള നടപടികളുണ്ടാകുന്നില്ലെന്നാണ് പരാതി.
വസ്തുക്കൾ ഇല്ല എന്ന് കാട്ടി ടിഎസ്സിഎൽ മാനേജർ നാലുതവണ എംഡിക്ക് കത്ത് നൽകിയിരുന്നു. കത്തിന്മേൽ എംഡിക്ക് മറുപടിയോ നടപടിയോ ലഭിച്ചിട്ടില്ല.