കല്പ്പറ്റ: വയനാട് കളളാടിയിലെ മണ്ണിടിച്ചിലില് കാണാതായ ആള്ക്ക് വേണ്ടി ഇന്നും തിരച്ചില് തുടരും.
അപകടത്തില് കാണാതായ ഹിമാചല് സ്വദേശി ബിക്രം സിങ് റാണയെ ആണ് കണ്ടെത്താനുളളത്.
സോണ് ഒന്ന്, രണ്ട് മേഖലകള് കേന്ദ്രീകരിച്ച് വ്യാപകമായ തിരച്ചില് നടത്താനാണ് തീരുമാനം.
ഇന്നലെ ഒരാളുടെ മൃതദേഹം കണ്ടെത്തിയിരുന്നു. മീനാക്ഷി പാലത്തില് നിന്നും ഒരു കിലോമീറ്റര് താഴെ നിന്നാണ് മൃതദേഹം കിട്ടിയത്. ബംഗാള് സ്വദേശി രാഗേഷ് ഗുചെയ്തിന്റെ മൃതദേഹമാണ് ലഭിച്ചത്.
നിര്മ്മാണ കമ്പനി സര്വേയറായിരുന്നു രാഗേഷ്. കളളാടിയിലെ മണ്ണിടിച്ചിലില് ഏഴുപേര്ക്കാണ് ജീവന് നഷ്ടമായത്.