എറണാകുളം ജില്ലയിൽ വനിതകൾക്കും വയോജനങ്ങൾക്കുമായി പുതിയ രണ്ട് വലിയ ആരോഗ്യ-ക്ഷേമ പദ്ധതികൾ വരുന്നു. ജില്ലാ പഞ്ചായത്ത് പ്രസിഡന്റ് കെ.ജി. രാധാകൃഷ്ണന്റെ അധ്യക്ഷതയിൽ ചേർന്ന ജില്ലാ ആസൂത്രണ സമിതി യോഗത്തിലാണ് ഇത് സംബന്ധിച്ച സുപ്രധാന തീരുമാനങ്ങൾ ഉണ്ടായത്.
പ്രധാന തീരുമാനങ്ങൾ
1. എടയ്ക്കാട്ടുവയലിൽ വനിതാ ക്ഷേമകേന്ദ്രം
മാനസിക വെല്ലുവിളി നേരിടുന്ന വനിതകൾക്ക് പൂർണ്ണമായും ഒരു വീടിന്റെ അന്തരീക്ഷം ഉറപ്പാക്കുന്ന തരത്തിലുള്ള അത്യാധുനിക പുനരധിവാസ കേന്ദ്രം.അന്തേവാസികൾക്കായി മാനസിക ഉല്ലാസത്തിനുള്ള സജ്ജീകരണങ്ങൾ, വിദഗ്ധരായ ഡോക്ടർമാരുടെ സേവനം, മികച്ച പുനരധിവാസ സൗകര്യങ്ങൾ എന്നിവ ഇവിടെ ലഭ്യമാക്കും.
വനിതാ ശിശുവികസന വകുപ്പിന്റെ ’തേജോമയ’ പദ്ധതി നിലവിൽ പ്രവർത്തിച്ചിരുന്ന കെട്ടിടത്തിലാണ് ഈ കേന്ദ്രം ഒരുങ്ങുന്നത്. (തേജോമയ കേന്ദ്രം ഇവിടുന്ന് കാക്കനാട്ടേക്ക് മാറ്റിസ്ഥാപിക്കും).
2. ആലുവയിൽ അത്യാധുനിക ജെറിയാട്രിക് (വയോജന ചികിത്സ) സെന്റർ
ആലുവ ജില്ലാ ആശുപത്രിയോട് ചേർന്നുള്ള മൂന്നുനില കെട്ടിടത്തിൽ.ആദ്യ നിലയിൽ ഡയാലിസിസ് സെന്റർ പ്രവർത്തിക്കും.രണ്ടും മൂന്നും നിലകളിൽ ഒരേസമയം 60 കിടപ്പുരോഗികളെ പ്രവേശിപ്പിച്ച് ചികിത്സിക്കാൻ സാധിക്കുന്ന അത്യാധുനിക ജെറിയാട്രിക് സെന്റർ സജ്ജമാക്കും.
ജില്ലയിലെ മാനസിക വെല്ലുവിളി നേരിടുന്ന സ്ത്രീകൾക്കും വയോജനങ്ങൾക്കും മികച്ച പരിചരണവും ചികിത്സയും ഉറപ്പാക്കാൻ ഈ രണ്ട് പദ്ധതികളും വലിയ രീതിയിൽ സഹായകരമാകും.