കൊല്ലം: കൊല്ലം പോരുവഴിയിൽ 10 വയസുകാരന് സൂര്യാതപമേറ്റു. പോരുവഴി നടുവിലേമുറിയിൽ ജിബി–കവിത ദമ്പതികളുടെ മകൻ ദേവനന്ദിനാണ് ഇന്നലെ സൂര്യാതപമേറ്റത്. പുറത്ത് കളിച്ചുകൊണ്ടിരിക്കവേയാണ് കുട്ടിക്ക് സൂര്യാതപമേറ്റത് എന്നാണ് ലഭിക്കുന്ന വിവരം.
കൈ, തോൾ, താടി ഭാഗങ്ങൾ ഉൾപ്പെടെ ശരീരത്തിലെ പല ഭാഗങ്ങളിലും പൊള്ളലേറ്റിട്ടുണ്ട്. തോളിലാണ് കൂടുതൽ പൊള്ളലേറ്റത്.
ഉടൻ തന്നെ കുട്ടിയെ സമീപത്തെ ആശുപത്രിയിൽ എത്തിച്ച് ചികിത്സ നൽകി. നിലവിൽ ആരോഗ്യനില തൃപ്തികരമാണെന്നും ആശങ്കപ്പെടേണ്ട സാഹചര്യമില്ലെന്നും ഡോക്ടർമാർ അറിയിച്ചു.