പാലക്കാട് അട്ടപ്പാടിയിലെ പുതൂർ പഞ്ചായത്തിൽ നടന്ന എൽഡിഎഫ് തെരഞ്ഞെടുപ്പ് പ്രചാരണ യോഗത്തിനിടെ സി.പി.ഐയുടെ മുതിർന്ന നേതാവായ പന്ന്യൻ രവീന്ദ്രൻ അപ്രതീക്ഷിതമായി കുഴഞ്ഞുവീണു. പ്രസംഗത്തിനിടെയായിരുന്നു സംഭവം ഉണ്ടായത്.
സംഭവം കണ്ടതോടെ പ്രവർത്തകർ ഉടൻ തന്നെ അദ്ദേഹത്തെ സമീപത്തെ കുടുംബാരോഗ്യ കേന്ദ്രത്തിലേക്ക് മാറ്റി. തുടർന്ന് ആവശ്യമായ പ്രാഥമിക ചികിത്സ നൽകിയതായി ആശുപത്രി അധികൃതർ അറിയിച്ചു.
ആശങ്കപ്പെടേണ്ട സാഹചര്യമില്ലെന്നും ആരോഗ്യനില സ്ഥിരമാണെന്നും ഡോക്ടർമാർ വ്യക്തമാക്കി. രാവിലെ ഭക്ഷണം കഴിക്കാതിരുന്നതും കടുത്ത ചൂടിൽ തുടർച്ചയായി പ്രചാരണ പരിപാടികളിൽ പങ്കെടുത്തതുമാണ് ദേഹാസ്വാസ്ഥ്യത്തിന് കാരണമെന്നാണ് പ്രാഥമിക വിലയിരുത്തൽ.
മണ്ണാർക്കാട് മണ്ഡലത്തിലെ എൽഡിഎഫ് സ്ഥാനാർത്ഥിക്ക് വേണ്ടി കഴിഞ്ഞ ദിവസങ്ങളിലും നിരവധി പരിപാടികളിൽ പന്ന്യപങ്കെടുത്തിരുന്നു. തുടർച്ചയായ യാത്രയും ചൂടും ചേർന്നതോടെ ക്ഷീണം കൂടിയെന്നാണ് പാർട്ടി പ്രവർത്തകരുടെ വിലയിരുത്തൽ.
ഇപ്പോൾ അദ്ദേഹത്തെ നിരീക്ഷണത്തിൽ തുടരുകയാണെന്നും ഉടൻ സാധാരണ നിലയിലേക്ക് മടങ്ങുമെന്ന് പ്രതീക്ഷിക്കുന്നതായും പാർട്ടി വൃത്തങ്ങൾ അറിയിച്ചു.
Senior CPI leader Pannyan Raveendran collapsed while delivering a speech during an election campaign event in Attappadi, Palakkad. He was immediately shifted to a nearby health center and is currently stable. Doctors suggest that fatigue, heat, and skipping breakfast may have caused the incident.