കോഴിക്കോട്: പുറത്തുവന്നിട്ടുള്ള എക്സിറ്റ് ഫലത്തിൽ വിശ്വാസമില്ലെന്ന് മന്ത്രി മുഹമ്മദ് റിയാസ് പറഞ്ഞു.സംസ്ഥാനത്ത് എൽഡിഎഫിന് ഭരണത്തുടർച്ച ഉണ്ടാകുമെന്നും പലപ്പോഴും എക്സിറ്റ് പോളുകൾ തെറ്റിയിട്ടുണ്ടെന്നും മുഹമ്മദ് റിയാസ് വ്യക്തമാക്കി.
താൻ 2021ൽ ബേപ്പൂരിൽ തോൽക്കുമെന്നാണ് എക്സിറ്റ് പോൾ ഫലം പുറത്തുവന്നത്. എന്നാൽ ഫലം വന്നപ്പോൾ വൻ ഭൂരിപക്ഷത്തോടെ വിജയിക്കുകയായിരുന്നുവെന്നും മുഹമ്മദ് റിയാസ് പറഞ്ഞു.ഇത്തവണ എല്ലാ എൽഡിഎഫ് മന്ത്രിമാരും വിജയിക്കും. ന്യൂനപക്ഷവോട്ടുകൾ ഏകീകരിക്കപ്പെട്ടില്ലെന്നും മുഹമ്മദ് റിയാസ് കൂട്ടിച്ചേർത്തു.
അതേസമയം, കേരളത്തിൽ കഴിഞ്ഞ 10 വർഷത്തെ എൽഡിഎഫ് ഭരണത്തിന് അന്ത്യം കുറിച്ചുകൊണ്ട് യുഡിഎഫ് അധികാരത്തിലേറുമെന്നാണ് എട്ട് സർവെ ഫലങ്ങളും പറയുന്നത്. 70 മുതൽ 80 സീറ്റുകൾ വരെ യു.ഡി.എഫ് നേടുമെന്ന് ഭൂരിപക്ഷം സർവെകളും പ്രവചിക്കുമ്പോൾ 60നും 70നും ഇടയിൽ സീറ്റാണ് ഇടതു മുന്നണി നേടുകയെന്നാണ് പ്രവചനം.