കണ്ണൂരിലെ അഞ്ചരക്കണ്ടി ഡെന്റൽ കോളേജിലെ ഒന്നാം വർഷ ബിഡിഎസ് വിദ്യാർത്ഥിയായ നിതിൻ രാജിന്റെ മരണത്തെ തുടർന്ന് വിദ്യാർത്ഥികളുടെ പ്രതിഷേധം ശക്തമാകുന്നു. മരണത്തിന്
ഉത്തരവാദികളായവർക്കെതിരെ കർശന നടപടി വേണമെന്നാവശ്യപ്പെട്ടാണ് വിദ്യാർത്ഥികൾ കോളേജിന് മുന്നിൽ സമരം നടത്തിയത്.
ഡെന്റൽ വിദ്യാർത്ഥികൾക്കൊപ്പം മറ്റ് വിഭാഗങ്ങളിലെ വിദ്യാർത്ഥികളും പ്രതിഷേധത്തിൽ പങ്കുചേർന്നു. മരണവുമായി ബന്ധപ്പെട്ട് ആരോപണമുന്നയിക്കപ്പെട്ട അധ്യാപകരെതിരെ നേരത്തേ തന്നെ വിദ്യാർത്ഥികൾ പരാതികൾ നൽകിയിരുന്നു.
ക്യാമ്പസിലെ സാഹചര്യങ്ങളെ ചൂണ്ടിക്കാട്ടി വിദ്യാർത്ഥി സംഘടനകൾക്കും പ്രതികരണം ഉണ്ടായി. എസ്എഫ്ഐ യൂണിറ്റ് രൂപീകരിക്കുമെന്നും നേതാക്കൾ അറിയിച്ചു. പട്ടികജാതി ക്ഷേമസമിതിയും ഡിവൈഎഫ്വൈയും ഉൾപ്പെടെ വിവിധ സംഘടനകളും പ്രതിഷേധവുമായി രംഗത്തെത്തി.
ഇതിനിടെ കേസിൽ കുറ്റാരോപിതരായവരെ ഇതുവരെ അറസ്റ്റ് ചെയ്യാനായിട്ടില്ല. സംഭവത്തിൽ കർശന നടപടിയെടുക്കാൻ ഗവർണർ രാജേന്ദ്ര വിശ്വനാഥ് ആർലേക്കർ നിർദേശം നൽകിയിട്ടുണ്ട്. ആരോഗ്യ സർവകലാശാല അന്വേഷണം ശക്തമാക്ക
ഇന്നാണ് കോളേജിൽ തെളിവെടുപ്പ് നടക്കുന്നത്. സർവകലാശാലയുടെ അന്വേഷണസംഘം വിദ്യാർത്ഥികളിൽ നിന്നും അധ്യാപകരിൽ നിന്നും വിവരങ്ങൾ ശേഖരിക്കും. മാനേജ്മെന്റ് പ്രതിനിധികളുമായി ചർച്ചകളും നടക്കാനാണ് സാധ്യത. ആവശ്യങ്ങൾ നിറവേറ്റുന്നതുവരെ ക്ലാസ് ബഹിഷ്കരിച്ച് സമരം തുടരുമെന്ന് വിദ്യാർത്ഥികൾ അറിയിച്ചു.
Protests have intensified at a dental college in Kannur following the death of first-year BDS student Nithin Raj. Students are demanding strict action against those responsible. Multiple student organizations have joined the protest, alleging inaction against accused faculty members.
The Kerala Governor has ordered a probe, and a university investigation team is conducting evidence collection at the college. Despite mounting pressure, no arrests have been made so far. Students have vowed to continue their strike until justice is ensured.