Kochi: ഓടുന്ന ട്രെയിനിൽ യാത്രക്കാരനെ ആക്രമിച്ച് പുറത്തേക്ക് തള്ളിയിട്ട് സ്വർണവും മൊബൈൽ ഫോണും കവർന്ന കേസിൽ രണ്ട് പേർ അറസ്റ്റിൽ. കൊല്ലം സ്വദേശികളായ സുകേഷും സഹായി എബിയുമാണ് പൊലീസ് പിടിയിലായത്.
സിസിടിവി ദൃശ്യങ്ങളോ ഡിജിറ്റൽ തെളിവുകളോ സാക്ഷികളോ ഒന്നുമില്ലാതിരുന്ന കേസിൽ, റെയിൽവേ പൊലീസും ആർപിഎഫും ചേർന്ന് നടത്തിയ അന്വേഷണം രണ്ടാഴ്ചയ്ക്ക് ശേഷമാണ് പ്രതികളിലേക്ക് എത്തിയത്. സമാന രീതിയിൽ കുറ്റകൃത്യങ്ങൾ നടത്തുന്നവരെ കേന്ദ്രീകരിച്ചായിരുന്നു അന്വേഷണം.
Angamaly-കൊരട്ടി സ്വദേശിയായ സുനിൽ കുമാർ ഏപ്രിൽ 6-ാം തീയതി രാത്രി ജോലി കഴിഞ്ഞ് വീട്ടിലേക്ക് മടങ്ങുന്നതിനിടെയാണ് സംഭവം. ട്രെയിനിന്റെ വാതിലിനടുത്ത് നിൽക്കുകയായിരുന്ന സുനിലിന്റെ മാല പിടിച്ചുവലിക്കാൻ ശ്രമിച്ച പ്രതി, എതിർപ്പിനെ തുടർന്ന് ഇയാളെ മർദിച്ചു. തുടർന്ന് ഇരുവരും ട്രെയിനിൽ നിന്ന് താഴേക്ക് വീണു.
ഇതിനിടെ പ്രതി സുനിലിന്റെ ഏകദേശം 1.5 പവൻ സ്വർണമാലയും രണ്ട് മൊബൈൽ ഫോണുകളും കവർന്ന് രക്ഷപ്പെട്ടു. ഗുരുതരമായി പരിക്കേറ്റ സുനിൽ കുമാർ ചികിത്സയിലാണ്.
English Summary
In Kochi, two accused were arrested for attacking a passenger on a moving train, pushing him out, and stealing his gold chain and mobile phones.
The victim, Sunil Kumar from Angamaly, was assaulted when he resisted the theft. Despite the absence of CCTV or direct evidence, the Railway Police and RPF tracked down the suspects after a two-week investigation.