തിരുവനന്തപുരം: സംസ്ഥാനത്ത് സ്വർണവിലയിൽ ഇടിവ് രേഖപ്പെടുത്തി. ഉച്ചയ്ക്ക് പുറത്തുവിട്ട കണക്കുകൾ പ്രകാരം ഗ്രാമിന് 100 രൂപയാണ് കുറഞ്ഞത്.
22 കാരറ്റ് ഒരു ഗ്രാം സ്വർണത്തിന് നിലവിൽ 13,925 രൂപയാണ് വില. ഒരു പവൻ സ്വർണത്തിന്റെ വില ഇപ്പോൾ 1,11,400 രൂപയായി. ഇന്ന് രാവിലെ ഒരു പവൻ സ്വർണത്തിന് 1,12,200 രൂപയായിരുന്നു.
ഈ മാസം ഏറ്റവും ഉയർന്ന സ്വർണവില ഏപ്രിൽ 19-നാണ് രേഖപ്പെടുത്തിയത്. അക്ഷയ തൃതീയ ദിനത്തിൽ ഒരു പവൻ സ്വർണത്തിന് 1,14,240 രൂപവരെ ഉയർന്നിരുന്നു.