Kochi: യുവനടിയെ ലൈംഗികമായി അതിക്രമിച്ചെന്ന കേസിൽ അറസ്റ്റിലായി റിമാൻഡിൽ കഴിയുന്ന സംവിധായകൻ Ranjithയുടെ ജാമ്യാപേക്ഷയും പോലീസ് കസ്റ്റഡി അപേക്ഷയും ഇന്ന് എറണാകുളം സിജെഎം കോടതി പരിഗണിക്കും.
രഞ്ജിത്തിനെ നേരിട്ട് കോടതിയിൽ ഹാജരാക്കും. കൂടുതൽ തെളിവുകൾ ശേഖരിക്കാനായി പ്രതിയെ മൂന്ന് ദിവസത്തെ പോലീസ് കസ്റ്റഡിയിൽ വിട്ടുകിട്ടണമെന്നാണ് അന്വേഷണസംഘത്തിന്റെ ആവശ്യം. കസ്റ്റഡിയിൽ ലഭിച്ചാൽ തെളിവെടുപ്പും വിശദമായ ചോദ്യം ചെയ്യലും നടത്താനാണ് പദ്ധതി.
സംഭവം നടന്നതായി പരാതിക്കാരി വ്യക്തമാക്കിയ കാരവൻ പോലീസ് കണ്ടെത്തിയിട്ടുണ്ട്. ഇതിൽ എത്തിച്ച് തെളിവെടുപ്പ് നടത്തും. കേസ് നേരത്തെ പരിഗണിക്കാനിരുന്നെങ്കിലും പ്രൊഡക്ഷൻ വാറണ്ട് തയ്യാറാകാത്തതിനാൽ ഇന്നത്തേക്ക് മാറ്റിയിരുന്നു.
ഇതിനിടെ, പ്രതിയുടെ അഭിഭാഷകൻ വക്കാലത്ത് ഒഴിഞ്ഞതോടെ പുതിയ അഭിഭാഷകനാണ് കോടതിയിൽ ഹാജരാകുന്നത്. അറസ്റ്റിന് പിന്നാലെ ആരോഗ്യപ്രശ്നങ്ങൾ ഉണ്ടായതിനാൽ വിശദമായ ചോദ്യം ചെയ്യൽ ഇതുവരെ പൂർത്തിയായിട്ടില്ലെന്ന് പോലീസ് അറിയിച്ചു.
ജനുവരിയിൽ ഫോർട്ട് കൊച്ചിയിലെ സിനിമാ ഷൂട്ടിംഗ് സെറ്റിൽ കാരവനിൽ വെച്ച് യുവനടിയെ രഞ്ജിത്ത് ലൈംഗികമായി അതിക്രമിച്ചെന്നാണ് കേസ്. അനുമതിയില്ലാതെ കാരവനിൽ കയറുകയും മോശമായി പെരുമാറുകയും ചെയ്തെന്നാണ് പരാതിയിൽ പറയുന്നത്.
പരാതി ലഭിച്ചതിനെ തുടർന്ന് പ്രത്യേക അന്വേഷണസംഘം രൂപീകരിച്ച് നടത്തിയ പ്രാഥമിക അന്വേഷണത്തിന് പിന്നാലെയാണ് രഞ്ജിത്തിനെ അറസ്റ്റ് ചെയ്തത്. നിലവിൽ എറണാകുളം സബ് ജയിലിലാണ് പ്രതി കഴിയുന്നത്.
Director Ranjith, arrested in a sexual assault case involving a young actress, faces a crucial day as the court considers his bail plea and police custody request. Investigators seek three days of custody for further questioning and evidence collection. The alleged incident occurred in a caravan on a film set in Kochi. Ranjith is currently in judicial remand.