തിരുവനന്തപുരം: ശരീര സൗന്ദര്യ മത്സര വിജയികളെ പൊലീസ് സേനയിലേക്ക് നേരിട്ട് നിയമിക്കാനുള്ള സംസ്ഥാന സർക്കാർ തീരുമാനം വീണ്ടും വിവാദത്തിലേക്ക്. പ്രമുഖ ബോഡി ബിൽഡർ ചിത്തരേഷ് നടേശൻ മെഡിക്കൽ പരിശോധനയിൽ പരാജയപ്പെട്ടതോടെ നിയമനത്തിൽ തിരിച്ചടി നേരിട്ടു.
പാദങ്ങളിലെ ‘ഫ്ലാറ്റ് ഫുട്ട്’ എന്ന ശാരീരിക അവസ്ഥയാണ് ചിത്തരേഷിനെ അയോഗ്യനാക്കിയത് എന്ന് മെഡിക്കൽ റിപ്പോർട്ട് വ്യക്തമാക്കുന്നു. അതേസമയം, നിയമന പട്ടികയിലുണ്ടായിരുന്ന മറ്റൊരു താരം ഷിനു ചൊവ്വ പരിശോധന വിജയകരമായി പൂർത്തിയാക്കി.
ഒളിമ്പിക്സ് അല്ലെങ്കിൽ ദേശീയ ഗെയിംസിൽ ഉൾപ്പെടാത്ത ബോഡി ബിൽഡിംഗ് മത്സര വിജയികളെ പൊലീസ് ഇൻസ്പെക്ടർ തസ്തികയിലേക്ക് നേരിട്ട് നിയമിക്കാൻ മന്ത്രിസഭ എടുത്ത തീരുമാനമാണ് ഇതിനുമുമ്പ് തന്നെ വിമർശനങ്ങൾക്ക് ഇടയാക്കിയത്.
ചട്ടങ്ങളിൽ ഇളവ് വരുത്തി സൂപ്പർന്യൂമറി തസ്തിക സൃഷ്ടിച്ചാണ് നിയമനം അനുവദിച്ചത്.
സ്പോർട്സ് ക്വോട്ടയിൽ സാധാരണയായി ഒളിമ്പിക്സ് അല്ലെങ്കിൽ അംഗീകൃത കായിക ഇനങ്ങളിൽ നേട്ടം കൈവരിച്ചവർക്കാണ് അവസരം ലഭിക്കുന്നത്. എന്നാൽ ഈ മാനദണ്ഡം മറികടന്നാണ് ബോഡി ബിൽഡിംഗ് താരങ്ങൾക്ക് നിയമനം നൽകാൻ നീക്കം നടന്നത്.
ഇതാദ്യമായാണ് ശരീര സൗന്ദര്യ മത്സര വിജയികളെ ഗസറ്റഡ് തസ്തികയിൽ പൊലീസ് സേനയിൽ നേരിട്ട് നിയമിക്കാൻ ശ്രമം നടക്കുന്നത്. ഇതിനിടെ മെഡിക്കൽ പരിശോധനയിലെ പരാജയം വിഷയത്തിൽ കൂടുതൽ ചർച്ചകൾക്ക് വഴിവെച്ചിരിക്കുകയാണ്.
In Thiruvananthapuram, the Kerala government’s decision to directly appoint bodybuilders to police posts has faced a setback.
Chitharesh Natesan failed the medical test due to flat foot condition, making him ineligible. Meanwhile, Shinu Chovva cleared the test.
The move to appoint bodybuilders—despite not being part of Olympic or national sports categories—had already sparked controversy, and the latest development has intensified the debate.