മസ്കത്ത്: അസ്ഥിരമായ കാലാവസ്ഥയെ തുടർന്ന് ഒമാനിലെ വിവിധ പ്രദേശങ്ങളിൽ ശക്തമായ മഴയും ഇടിമിന്നലും തുടരാനിടയുണ്ടെന്ന് കാലാവസ്ഥാ വകുപ്പ് മുന്നറിയിപ്പ് നൽകി. പൊതുജനങ്ങൾ ജാഗ്രത പാലിക്കണമെന്ന് അധികൃതർ നിർദേശിച്ചു.
ദാഹിറ, ദാഖിലിയ, വടക്കൻ-തെക്കൻ ബാത്തിന, മസ്ക്കറ്റ് ഗവർണറേറ്റ് എന്നിവിടങ്ങളിലും ഹജർ മലനിരകളിലും കനത്ത മഴയ്ക്ക് സാധ്യതയുണ്ട്. ഈ മാസം അവസാനം വരെ രാജ്യത്തിന്റെ പല ഭാഗങ്ങളിലും മഴ തുടരുമെന്നാണ് പ്രവചനം.
ഇടിമിന്നലോടൊപ്പം ശക്തമായ കാറ്റിനും സാധ്യതയുള്ളതിനാൽ മലനിരകളും മരുഭൂമി പ്രദേശങ്ങളും ഉൾപ്പെടെ അപകടസാധ്യതയുള്ള ഇടങ്ങളിൽ പ്രത്യേക ജാഗ്രത നിർദേശിച്ചിട്ടുണ്ട്. താഴ്ന്ന പ്രദേശങ്ങളിലേക്കുള്ള അനാവശ്യ യാത്രകൾ ഒഴിവാക്കണമെന്നും മുന്നറിയിപ്പുണ്ട്.
മോശം കാലാവസ്ഥയെ തുടർന്ന് യാത്രക്കാരുടെ സുരക്ഷ മുൻനിർത്തി ദേശീയ ഗതാഗത കമ്പനിയായ Mwasalat ചില ബസ് റൂട്ടുകൾ താൽക്കാലികമായി റദ്ദാക്കി.
റദ്ദാക്കിയ പ്രധാന റൂട്ടുകൾ:
റൂട്ട് 6: അൽ ഖൂദ് – സുൽത്താൻ ഖാബൂസ് യൂണിവേഴ്സിറ്റി
റൂട്ട് 7: മബേല – അൽ ഖൂദ് – ബുർജ് അൽ സഹ്വ
റൂട്ട് 10: മബേല – സീബ് സൂഖ് – ബുർജ് അൽ സഹ്വ
കൂടുതൽ റൂട്ടുകൾ റദ്ദാക്കേണ്ടി വന്നാൽ യാത്രക്കാരെ അറിയിക്കുമെന്നും അധികൃതർ വ്യക്തമാക്കി.
Muscat: The Oman meteorological department has issued a warning for heavy rainfall, thunderstorms, and strong winds across several regions.
Authorities urged the public to remain cautious and avoid low-lying and flood-prone areas. Due to adverse weather conditions, the national transport company Mwasalat has temporarily suspended several bus services to ensure passenger safety.