Kerala Arts and Crafts Village സംഘടിപ്പിക്കുന്ന ‘കലപില’ സമ്മർ ക്യാമ്പിലേക്ക് രജിസ്ട്രേഷൻ ആരംഭിച്ചു. ഡിജിറ്റൽ ലോകത്തിന്റെ തിരക്കിൽ നിന്ന് മാറി, കേരളത്തിന്റെ ഗ്രാമീണ അന്തരീക്ഷത്തിൽ കുട്ടികൾക്ക് കലയെയും സൃഷ്ടിപരതയെയും അടുത്തറിയാനുള്ള അവസരമാണ് ക്യാമ്പ് ഒരുക്കുന്നത്.
പഴമയുടെ പാരമ്പര്യവും ആധുനിക സാങ്കേതിക വിദ്യയും തമ്മിലുള്ള അകലം കുറയ്ക്കുക എന്നതാണ് ക്യാമ്പിന്റെ പ്രധാന ലക്ഷ്യം. കേരളത്തിന്റെ തനതായ കലാരൂപങ്ങളും കരകൗശല വിദ്യകളും പ്രമുഖ കലാകാരന്മാരിൽ നിന്ന് നേരിട്ട് അഭ്യസിക്കാൻ കുട്ടികൾക്ക് അവസരം ലഭിക്കും. തത്സമയ പ്രദർശനങ്ങളും സംവേദനാത്മക സെഷനുകളും വഴി സാംസ്കാരിക പൈതൃകത്തെക്കുറിച്ചുള്ള അറിവും വർധിക്കും.
ഈ വർഷം ക്യാമ്പിന്റെ പ്രത്യേക ആകർഷണം റോബോട്ടിക് വർക്ക്ഷോപ്പാണ്. പാരമ്പര്യ കലകളും സാങ്കേതിക വിദ്യയും എങ്ങനെ കൈകോർക്കുന്നു എന്ന് കുട്ടികൾക്ക് അനുഭവപരിചയത്തോടെ പഠിപ്പിക്കും. ശാസ്ത്രീയ അറിവിനൊപ്പം സൃഷ്ടിപരമായ ചിന്ത വളർത്താൻ ഇത് സഹായകമാകുമെന്ന് അധികൃതർ വ്യക്തമാക്കി.
5 മുതൽ 15 വയസ്സ് വരെയുള്ള കുട്ടികൾക്ക് പങ്കെടുക്കാവുന്ന ക്യാമ്പ് ഏപ്രിൽ 21 മുതൽ 26 വരെ നടക്കും. താത്പര്യമുള്ളവർ നൽകിയ ഫോൺ നമ്പറുകളിൽ ബന്ധപ്പെട്ടു രജിസ്റ്റർ ചെയ്യാം.
Registration has begun for the ‘Kalapila’ summer camp organized by Kerala Arts and Crafts Village in Kovalam. The camp aims to blend traditional Kerala art forms with modern technology, offering children a creative and immersive experience.
Participants will get hands-on training in traditional crafts from skilled artists along with interactive sessions and live demonstrations. A key highlight this year is a robotics workshop that showcases the integration of technology with traditional art.
The camp is open to children aged 5 to 15 and will be held from April 21 to 26.