കെഎസ്ഇബി വൈദ്യുതി ബില്ലിൽ ഉൾപ്പെടുത്തിയ പരസ്യ വാചകത്തിനെതിരെ കേന്ദ്ര തെരഞ്ഞെടുപ്പ് കമ്മീഷനിൽ പരാതി. ‘പവർകട്ടും ലോഡ് ഷെഡിങ്ങും ഇല്ലാത്ത 10 വർഷങ്ങൾ’ എന്ന വാചകമാണ് വിവാദമായത്.
സേവ് യൂണിവേഴ്സിറ്റി ക്യാമ്പയിൻ കമ്മിറ്റിയാണ് പരാതി സമർപ്പിച്ചിരിക്കുന്നത് എന്നാണ് ലഭിക്കുന്ന വിവരം. തെരഞ്ഞെടുപ്പ് പെരുമാറ്റച്ചട്ടം ലംഘിച്ചാണ് ഈ പരസ്യം ഉൾപ്പെടുത്തിയതെന്ന് പരാതിയിൽ ആരോപിക്കുന്നു.
ഈ മാസം ഉപഭോക്താക്കൾക്ക് ലഭിച്ച വൈദ്യുതി ബില്ലുകളിലാണ് ഈ വാചകം ഉൾപ്പെടുത്തിയിരിക്കുന്നത്. ബിൽ ഉടൻ പിൻവലിക്കണമെന്നും, ഇതുമായി ബന്ധപ്പെട്ട ഉദ്യോഗസ്ഥർക്കെതിരെ നടപടി സ്വീകരിക്കണമെന്നും പരാതിയിൽ ആവശ്യപ്പെട്ടിട്ടുണ്ട്.