കൊളംബിയയിലെ തെക്കൻ പ്രദേശമായ പുട്ടുമായോയിൽ, പെറു അതിർത്തിക്ക് സമീപമുള്ള പ്യൂർട്ടോ ലെഗുയിസാമോക്കടുത്ത് സൈനിക വിമാനം തകർന്നുവീണു. സി-130 ഹെർക്കുലീസ് വിഭാഗത്തിൽപ്പെട്ട വ്യോമസേനാ വിമാനമാണ് അപകടത്തിൽപ്പെട്ടത്.
വിമാനത്തിൽ 114 സൈനികരും 11 ജീവനക്കാരുമുണ്ടായിരുന്നുവെന്നാണ് വിവരം. നിരവധി പേർ മരിച്ചെന്നാണ് പ്രാഥമിക റിപ്പോർട്ടുകൾ സൂചിപ്പിക്കുന്നതെങ്കിലും, ഔദ്യോഗികമായി മരണസംഖ്യ പുറത്തുവിട്ടിട്ടില്ല.
പറന്നുയരുന്നതിനിടെ നിയന്ത്രണം നഷ്ടപ്പെട്ടതാണ് അപകടത്തിന് കാരണമെന്നാണ് സൂചന.
രക്ഷാപ്രവർത്തനം തുടരുകയാണെന്നും ഇതുവരെ 48 പേരെ രക്ഷപ്പെടുത്തി ആശുപത്രികളിൽ പ്രവേശിപ്പിച്ചതായും അധികൃതർ അറിയിച്ചു.
സംഭവത്തെ തുടർന്ന് പ്രസിഡന്റ് ഗുസ്താവോ പെട്രോ ആശങ്ക പ്രകടിപ്പിച്ചു. നാട്ടുകാർ തന്നെ പരുക്കേറ്റവരെ ആശുപത്രികളിലേക്ക് എത്തിക്കുന്ന ദൃശ്യങ്ങളും പുറത്തുവന്നു.
A military aircraft crashed in southern Colombia near the Peru border. The C-130 Hercules was carrying 114 soldiers and 11 crew members. Several casualties are feared, though no official toll has been confirmed. Rescue operations are ongoing, with at least 48 people reported injured and hospitalized.