മൂവാറ്റുപുഴ : എറണാകുളം റൂറൽ ജില്ലാ പോലീസിന്റെ നേതൃതത്തിൽ കഴിഞ്ഞ പത്ത് ദിവസം കൊണ്ട് അന്വേഷിച്ച് കണ്ടെത്തിയത് നഷ്ടപ്പെട്ട 224 മൊബൈൽ ഫോണുകൾ. ലോസ്റ്റ് മൊബൈൽ ഡിറ്റക്ഷൻ റെയ്ഡി ലാണ് 224 മൊബൈൽ ഫോണുകൾ കണ്ടെത്തി പരാതിക്കാർക്ക് തിരികെ നൽകിയത്.
കൂടുതൽ ഫോണുകൾ കണ്ടെത്തിയിരിക്കുന്നത് നോർത്ത് പറവൂരിൽ നിന്ന് നഷ്ടപ്പെട്ടതാണ്, 27 എണ്ണം. ആലുവയിൽ കണ്ടെത്തിയത് 18,
മൂവാറ്റുപുഴ 17, ഞാറയ്ക്കൽ, പെരുമ്പാവൂർ 13 വീതം. ടെലികോമിന്റെ
സിഇഐആർ പോർട്ടലുമായി (CEIR) സഹകരിച്ചു നടത്തിയ ഓപ്പറേഷനിലൂടെയാണ് ഇത്രയും മൊബൈൽ ഫോണുകൾ കണ്ടെത്തി നഷ്ട്ടപെട്ട ആളുകൾക്ക് തിരികെ കൊടുത്തത്. നഷ്ടപെട്ട മൊബൈൽ ഫോണുകൾ കണ്ടെത്തുന്നതിനായുള്ള റെയ്ഡ് തുടരുന്നു.