കരുനാഗപ്പള്ളി: ഭക്തിസാന്ദ്രമായ അന്തരീക്ഷത്തിൽ കുട്ടി കലാകാരികളുടെ അരങ്ങേറ്റം ആദിനാട് നിവാസികൾക്ക് ആഘോഷമായി. കരുനാഗപ്പള്ളി മേജർ ആദിനാട് ശക്തികുളങ്ങര ദേവി ക്ഷേത്രത്തിലെ നാലാം ഉത്സവത്തോടനുബന്ധിച്ചാണ് വൈഷ്ണവം സ്കൂൾ ഓഫ് ഡാൻസിലെ ഏഴ് വിദ്യാർത്ഥിനികൾ ക്ഷേത്രനടയിൽ അരങ്ങേറ്റം കുറിച്ചത്.
ആറ് വയസ്സുകാരികൾ മുതൽ 23 വയസ്സുവരെയുള്ള കലാകാരികളുടെ നൃത്തവിരുന്ന് കാണാൻ നാട് ഒന്നടങ്കം ക്ഷേത്രമുറ്റത്തേക്ക് ഒഴുകിയെത്തി. കഴിഞ്ഞ രണ്ട് വർഷമായി ഗുരു RLV വൈഷ്ണവി ജെ. വൈഷ്ണവത്തിന്റെ കീഴിൽ ഭരതനാട്യ പഠനം നടത്തുന്ന കുട്ടികളാണ് അരങ്ങേറ്റം നടത്തിയത്.
അമൃത വിദ്യാലയം ഒന്നാം ക്ലാസ്സ് വിദ്യാർത്ഥിനി അന്വയ നിഷ് അനൂപ, തൻവി, ശ്രീനന്,ഋത,അധീതി എന്നിവർക്കൊപ്പം കഴിഞ്ഞ തവണ അരങ്ങേറ്റം കുറിച്ച തന്മായ,വേദിക,അശ്വതി, ആബേരി, ഐശ്വര്യ, ശിവാനി എന്നിവരും വേദിയിൽ നൃത്തം അവധരിപ്പിച്ചു.
അരങ്ങേറ്റത്തിന് മാറ്റുകൂട്ടാൻ പ്രഗത്ഭരായ കലാകാരന്മാരുടെ പക്കമേളവും ഉണ്ടായിരുന്നു.
- മൃദംഗം: RLV നന്ദകിഷോർ എസ്.
- വോക്കൽ: ശ്യാം പ്രസാദ്
- വയലിൻ: ഉഡുപ്പി അഭിനവ്
- നാട്ടുവാഗം: വൈഷ്ണവി ജെ.
- ചമയം: ഹരീഷ് ജി. ബാബു
- വസ്ത്രാലങ്കാരം: അരുൺ
വൈഷ്ണവം ഡാൻസ് സ്കൂളിലെ കുട്ടികൾ ആദിനാട് ശക്തികുളങ്ങര ക്ഷേത്രത്തിൽ അരങ്ങേറ്റം നടത്തുന്നത് ഇത് രണ്ടാം തവണയാണ്. മികച്ച നിലവാരം പുലർത്തിയ നൃത്തപ്രകടനം ക്ഷേത്രത്തിനെത്തിയ ഭക്തർക്കും നാട്ടുകാർക്കും ഹൃദ്യമായ അനുഭവമായി.
അരങ്ങേറ്റം കുറിച്ച കുട്ടികൾക്കും ഗുരുവിനും ശക്തികുളങ്ങരയിലെ യുവജന സംഘം, അമ്പലമുക്ക് പ്രവർത്തകർ മോമോന്റോ നൽകി ആദരിച്ചു.