പാലക്കാട്: എൽഡിഎഫ് സർക്കാർ വീണ്ടും അധികാരത്തിൽ വരം, പിണറായി വിജയൻ വീണ്ടും കേരളത്തിന്റെ മുഖ്യമന്ത്രിയാകുമെന്ന് മുന് മന്ത്രിയും മുതിര്ന്ന സിപിഐ നേതാവുമായ കെ.ഇ ഇസ്മായില്.
തുടർഭരണത്തെ കുറിച്ചുള്ള കവി സച്ചിദാനന്ദൻ്റെ നിലപാടിനെ പിന്തുണയ്ക്കുന്നുവെന്നും അദ്ദേഹം പറഞ്ഞു. തുടർഭരണം മൂലം ദുരധികാരം ഉണ്ടാകാതിരിക്കാൻ ജാഗ്രത വേണമെന്നും ഒരു പരിധി വരെ എൽഡിഎഫിന് അതിന് സാധിച്ചുവെന്നും കെ.ഇ ഇസ്മായില് പറഞ്ഞു.
ചൂരമീൻ ആണെന്ന് കരുതി ഭക്ഷണത്തിന് മുന്നിൽ നിന്ന് എഴുന്നേറ്റ് പോകുന്നയാളല്ല പിണറായിയെന്നും കെ.ഇ ഇസ്മായിൽ പറഞ്ഞു. പിണറായി അങ്ങനെയുള്ള വ്യക്തിയെന്ന് കരുതുന്നില്ല. സി ദിവാകരൻ്റെ പരാമർശം എന്തടിസ്ഥാനത്തിലെന്ന് അറിയില്ല.
വി.എസ് സുനിൽ കുമാറിനെ വീണ്ടും മത്സരിപ്പിക്കണം, ജയ സാധ്യതയാണ് പരിഗണനയെങ്കിൽ സുനിലിന് മത്സരിക്കാമെന്നും അദ്ദേഹം വ്യക്തമാക്കി.