കണ്ണൂര്: കണ്ണൂരില് കർഷകൻ ജീവനൊടുക്കി. കണ്ണൂർ ചെറുപുഴയില് ആയിരുന്നു സംഭവം. ഇടവരമ്പ് സ്വദേശി ഏലിയാസ് അമ്പാട്ടാണ് മരിച്ചത്. കീടനാശിനി കഴിച്ചായിരുന്നു ഏലിയാസിന്റെ ആത്മഹത്യാ ശ്രമം. ഗുരുതരാവസ്ഥയിൽ കണ്ണൂരിലെ സ്വകാര്യ ആശുപത്രിയിൽ പ്രവേശിപ്പിക്കുകയായിരുന്നു. ഇവിടെ ചികിത്സയിൽ കഴിയുന്നതിനിടെയായിരുന്നു മരണം. മികച്ച പച്ചക്കറി കൃഷി കർഷകനുള്ള അവാർഡ് ലഭിച്ച ആളായിരുന്നു ഏലിയാസ്. ഇദ്ദേഹത്തിന് സാമ്പത്തിക ബാധ്യതകൾ ഉണ്ടായിരുന്നുവെന്നാണ് വിവരം. സംഭവത്തിൽ അന്വേഷണം നടക്കുകയാണ്.