കൊച്ചി: നിക്ഷേപകര്ക്കും മ്യൂച്വല് ഫണ്ട് വിതരണക്കാര്ക്കും (എംഎഫ്ഡി) മികച്ച സേവനം നല്കുന്നതിനായി ബന്ധന് എഎംസി ലിമിറ്റഡ് (ബന്ധന് എഎംസി) തിരുവനന്തപുരത്ത് ബ്രാഞ്ച് ഓഫീസ് തുറന്നു. നന്തന്കോട്, എസ്ബിഐ പിബി ബ്രാഞ്ചിന് സമീപമുള്ള ഷാരോണ് ടവറിലെ ഗ്രൗണ്ട് ഫ്ലോറിലാണ് ഓഫീസ് തുറന്നത്. തിരുവനന്തപുരം ബന്ധന് മ്യൂച്വല് ഫണ്ടിന്റെ വേഗത്തില് വളരുന്ന വിപണിയാണ്. ഇത് സാമ്പത്തിക അവബോധം കൂടുതല് വര്ദ്ധിപ്പിക്കുന്നതിനും മ്യൂച്വല് ഫണ്ടുകളില് കൂടുതല് താല്പ്പര്യം സൃഷ്ടിക്കുന്നതിനും ഞങ്ങളുടെ ഉപഭോക്താക്കള്ക്ക് മികച്ച സേവനം നല്കുന്നതിനും ഉപകരിക്കുമെന്ന് ബ്രാഞ്ച് ഉദ്ഘാടനവേളയില് ബന്ധന് എഎംസി റീട്ടെയില് (വെസ്റ്റ് ആന്ഡ് സൗത്ത്) ബിസിനസ് ഹെഡ് അമിത് അറോറ പറഞ്ഞു.
100-ലധികം നഗരങ്ങളില് പ്രവര്ത്തനക്ഷമമായ ഈ ഫണ്ട് ഹൗസ്, രാജ്യത്തുടനീളമുള്ള 790-ലധികം കേന്ദ്രങ്ങളില് നിക്ഷേപകര്ക്ക് സേവനം നല്കുന്നു. സ്ഥാപനങ്ങള്, കോര്പ്പറേറ്റുകള്, കുടുംബ ഓഫീസുകള്, വ്യക്തിഗത ക്ലയന്റുകളെ പ്രതിനിധീകരിക്കുന്ന മൂന്നര ദശലക്ഷത്തിലധികം ഫോളിയോകള്ക്ക് സേവനം ലഭ്യമാക്കുന്നു.